12.09.2026 | 14:22
Զելենսկին պատրաստ է Պուտինի հետ հանդիպել G20-ի գագաթնաժողովում
Միջուկային առճակատման վտանգը վերադարձել է տասնամյակներ անց. ՄԱԿ
Քաղաքականություն
08.08.2022 | 10:53
ՄԱԿ-ը հուսով է, որ Ուկրաինայում Զապորոժիեի ատոմակայանի հրթիռակոծումը կդադարի, և ՄԱԳԱՏԷ-ն մուտք կգործի ատոմակայան։ Այս մասին ասել է կազմակերպության գլխավոր քարտուղար Անտոնիո Գուտերեշը, գրում է BBC-ի ռուսական ծառայությունը։
«Մենք լիովին աջակցում ենք ՄԱԳԱՏԷ-ին՝ ատոմակայանում իրավիճակի կայունացման համար պայմաններ ստեղծելու ջանքերում: Ատոմակայանի վրա ցանկացած հարձակում ինքնին ինքնասպանություն է, և ես հուսով եմ, որ այդ հարձակումները կդադարեն: Նաև հույս ունեմ, որ ՄԱԳԱՏԷ-ն կկարողանա մուտք գործել կայան»,- ասել է նա Տոկիոյում կայացած մամուլի ասուլիսում։
Գուտերեշը նաև հայտարարել է, որ միջուկային առճակատման վտանգը վերադարձել է տասնամյակներ անց և կոչ է արել միջուկային տերություններին՝ պարտավորվել առաջինը միջուկային զենք չօգտագործել:
«Կարծում եմ, որ եթե միջուկային զենք օգտագործվի, ապա, ամենայն հավանականությամբ, այլևս չի լինի որևէ ՄԱԿ, որ ինչ-որ կերպ արձագանքի դրան»,- ասել է նա՝ պատասխանելով ճապոնացի լրագրողի հարցին, թե ինչպե՞ս է ՄԱԿ-ն արձագանքում Ռուսաստանի կողմից Ուկրաինայում միջուկային զենքի հնարավոր կիրառմանը։
Գուտերեշն այցելել է Ճապոնիա՝ մասնակցելու Հիրոսիմայի ատոմային ռմբակոծության 77-րդ տարելիցին նվիրված միջոցառումներին։
Տաթև Ֆռանգյան
