09.09.2026 | 23:17
Ինչ ե քննարկել Փաշինյանը և Մակրոնը. Կառավարությունը մանրամասներ է ներկայացրել
Եթե Ադրբեջանն անցակետեր տեղադրի Բերձորում, ՀՀ-ն պիտի վերանայի դաշնակցային հարաբերությունները ՌԴ-ի հետ․ ՏԵՍԱՆՅՈւԹ
Քաղաքականություն
03.08.2022 | 19:50
Եթե ՌԴ խաղաղապահների ներկայությամբ Ադրբեջանը կարողանա անցակետ տեղադրել, ապա ռուսական կողմի համաձայնությունը ստացել է։ Factor TV-ի հետ զրույցում նման կարծիք հայտնեց «Ազատ քաղաքացի» ՀԿ ղեկավար Հովսեփ Խուրշուդյանը։
Նրա խոսքով՝ այդ պարագայում ՀՀ-ն պիտի վերանայի դաշնակցային հարաբերությունները ՌԴ-ի հետ, որը խոչընդոտում է ավելի բարելավել Արևմուտքի հետ հարաբերությունները և ստանալ արևմտյան երաշխիքներ՝ Ադրբեջանի կողմից նման արկածախնդրությունների չգնալու առումով։
«Ռուսաստանի հակահայկական քայլերը գնալով ակնհայտ են դառնում։ ՌԴ խաղաղապահներն Արցախում ունեն ՀՕՊ միջոցներ և կարող էին հարվածել, ոչնչացնել ցանկացած ԱԹՍ։ Եթե որևէ համակարգ չի գործադրվել, ապա ամեն ինչ համաձայնեցված են անում»,- ասաց Խուրշուդյանը։
Նա հույս ունի, որ ՀՀ իշխանությունները կխորացնեն հարաբերություններն արևմտյան գործընկերների հետ, որոնց ճնշումները կզսպեն Ադրբեջանին։ Խուրշուդյանը չի բացառում լարվածություն նաև ՀՀ սահմանին։
Մանրամասները՝ տեսանյութում։
Արփի Հակոբյան
