17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Հափշտակել էր ոսկյա մատանի, կես միլիոն դրամ ու հեռախոս. Մալաթիայի ոստիկանների բացահայտումը
Հասարակություն
02.08.2022 | 19:44
Հուլիսի լույս 4-ի գիշերը Մալաթիա-Սեբաստիա համայնքում ավազակային հարձակում էր եղել: Ժամը 4-ի սահմաններում անհայտ անձը պատուհանով մտել էր Ջիվանու փողոցի տներից մեկը, ծեծել տանտիրուհուն, հափշտակել ոսկյա մատանին, կես միլիոն դրամ, բջջային հեռախոսն ու փախել. տեղեկացնում են ՀՀ ոստիկանությունից։
Տուժողը ոստիկանություն էր դիմել դեպքից մոտ 12 ժամ անց:
Ջիվանու փողոց մեկնած քրեական հետախույզները անհայտ անձի ինքնությունը պարզելու, նրան և գողոնը հայտնաբերելու ուղղությամբ բազմաբնույթ միջոցառումներ ձեռնարկեցին: Դեպքի վայրում ձեռք բերված փաստերի և օպերատիվ տեղեկությունների համադրությամբ պարզվեց, որ ավազակությունը հնարավոր է կատարած լինի Արարատի մարզի Նորակերտ գյուղի 34-ամյա մի բնակիչ:
Հուլիս 31-ի երեկոյան Մալաթիայի համայնքային ոստիկանները նրան հայտնաբերեցին, ձերբակալեցին ու ներկայացրին տարածքային քննչական մարմնին:
Հանգամանքները նախաքննությամբ պարզվում են:
