08.06.2026 | 03:37
ՀՀ-ն պատրաստ չէ լինել ԵՄ անդամ, մեր նպատակը ԵՄ ստանդարտներին համապատասխանելն է․ Փաշինյան․ ՏԵՍԱՆՅՈՒԹ
Ինքնաթիռը, որում կարող է գտնվել Փելոսին, թեքվել է դեպի Թայվան
Քաղաքականություն
02.08.2022 | 16:43
Ըստ Flightradar-ի տվյալների՝ ինքնաթիռը, որում կարող է լինել ԱՄՆ Կոնգրեսի Ներկայացուցիչների պալատի խոսնակ Նենսի Փելոսին, թեքվել է դեպի Թայվան և թռել Սուլավեսի ծովի վրայով, գրում է ՌԻԱ Նովոստին։
Կայքի տվյալներով՝ Boeing C-40C-ը Կուալա Լումպուրից օդ է բարձրացել անհայտ ուղղությամբ, թռել Բորնեո և Սուլավեսի կղզիների վրայով, այնուհետ շարժվել դեպի հյուսիս։
Ավելի վաղ թայվանական լրատվամիջոցները հայտնել էին, որ Փելոսիի ղեկավարությամբ ԱՄՆ պատվիրակությունը, որի կազմում, տարբեր տեղեկություններով, 6-20 հոգի է լինելու, պետք է Թայբեի օդանավակայանում վայրէջք կատարի տեղական ժամանակով 21:00-ից մինչև 22:30-ը։ Տեղեկացվում է, որ Փելոսին գիշերելու է Grand Hyatt հյուրանոցում, իսկ առավոտյան այցելելու է Թայբեի խորհրդարան, որտեղ հանդիպելու է կղզու իշխանությունների հետ, այդ թվում՝ վարչակազմի ղեկավար Ցայ Ինվենին։
Հիշեցնենք, որ այսօր չինական ԶԼՄ-ները գրել էին, թե Չինաստանը մտադիր է որսալ Փելոսիի ինքնաթիռը։
Տաթև Ֆռանգյան
