06.11.2024 | 16:35
Օտարերկրացիների վեճն ավարտվել է մարմնական վնասվածքներով
Չինաստանը մտադիր է որսալ Փելոսիի ինքնաթիռը․ Global Times
Քաղաքականություն
02.08.2022 | 16:12
Չինաստանը կարող է կանոնավոր կերպով պարեկել Թայվանի օդային տարածքը և որսալ ցանկացած ինքնաթիռ, որը մտնում է կղզու օդային տարածք։ Այս մասին օգոստոսի 2-ին հայտնել է Global Times-ը՝ վկայակոչելով ռազմական փորձագետներին։
ԱՄՆ Կոնգրեսի Ներկայացուցիչների պալատի նախագահ Նենսի Փելոսիի՝ Թայվան հնարավոր այցի նախաշեմին Պեկինը բազմիցս զգուշացրել է Վաշինգտոնին լուրջ հետևանքների մասին։
Սպասվում է, որ Կոնգրեսի ներկայացուցիչը Թայբեյ կժամանի օգոստոսի 2-ի երեկոյան։
Վերլուծաբանները ենթադրում են, որ Չինաստանի բանակը կարող է ռազմական ինքնաթիռներ ուղարկել՝ Փելոսիի ինքնաթիռը որսալու համար, եթե այն փորձի վայրէջք կատարել Թայվանում:
«Եթե Փելոսիի ինքնաթիռը մտնի մեր զորավարժությունների տարածք, մենք ստիպված կլինենք միջոցներ ձեռնարկել՝ այն դուրս ուղեկցելու, կալանելու և ռադիոնախազգուշացում ուղարկելու համար։ Մեր ռազմական ինքնաթիռները կարող են անկյունագծով կրակել Փելոսիի ինքնաթիռի դիմացից՝ որպես լրացուցիչ նախազգուշացում»,- հայտարարել է Չինաստանի ռազմական ավիացիայի փորձագետ Ֆու Քյանշաոն։
Տաթև Ֆռանգյան
