15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Վարանդայում ադրբեջանցի սակրավորներ են պայթել ականի վրա
Քաղաքականություն
02.08.2022 | 17:41
Արցախի գրավյալ տարածքներում ադրբեջանցիների՝ ականի վրա պայթելու հերթական դեպքն է տեղի ունեցել։ Ադրբեջանական լրատվականների հաղորդմամբ՝ այսօր առավոտյան տեղեկություններ են ստացվել, որ Վարանդայում ականազերծման աշխատանքներով զբաղվող ընկերության աշխատակիցները պայթել են հակատանկային ականի վրա։
Քննությամբ պարզվել է, որ ականազերծման աշխատանքների ժամանակ ականի վրա պայթել են 1990 թվականին ծնված Յադիգար Շյուքուրովը, 1991-ին ծնված Ռովշան Ալիզադեն և 1976 թվականին ծնված Գալման Հուսեյնովը։ Արդյունքում, Շյուքուրովն ու Ալիզադեն տարբեր աստիճանի վնասվածնքեր են ստացել, իսկ Հուսեյնովի աջ ոտքն անդամահատվել է։
Դեպի առնչությամբ կատարվում է քննություն։
Հիշեցնենք, որ օրերս էլ Քարվաճառում ականի վրա Ադրբեջանի ԶՈՒ մի խումբ բարձրաստիճան սպաներ էին պայթել։ Ադրբեջանի ՊՆ-ի հաղորդմամբ՝ պայթյունից վիրավորվել էր գնդապետ, բրիգադի հրամանատար Վուգար Իսբենդիյարովը․ վերջինիս ոտքը ևս անդամահատվել է։ Ոչ պաշտոնական տվյալներով՝ վիրավորում ստացածներից մեկն էլ Ադրբեջանի պաշտպանության փոխնախարար, ցամաքային զորքերի հրամանատար, գեներալ-լեյտենանտ Էնվեր Էֆենդիևն է։
Էմմա Չոբանյան
