20.11.2024 | 18:19
Ռուսական ինքնաթիռից 250 կգ-անոց ռումբն ընկել է ՌԴ Բելգորոդի շրջանի դպրոցի վրա
Բայրամովը ԱՄՆ պետքարտուղարի տեղակալի հետ զրույցում դժգոհել է Արցախի ՊԲ-ի առկայությունից
Քաղաքականություն
02.08.2022 | 11:46
ԱՄՆ պետաքարտուղարի Եվրոպայի ու Եվրասիայի հարցերով տեղակալ Քերըն Դոնֆրիդը նախօրեին ՀՀ ԱԳ նախարար Արարատ Միրզոյանի հետ հեռախոսազրույցից հետո զրուցել է նաև Ադրբեջանի ԱԳ նախարար Ջեյհուն Բայրամովի հետ։
Ադրբեջանի ԱԳՆ փոխանցմամբ՝ կողմերը կարծիքներ են փոխանակել Հայաստանի ու Ադրբեջանի միջև հարաբերությունների, եռակողմ հայտարարությունների կատարման, ինչպես նաև ԵԽ նախագահ Շառլ Միշելի միջնորդությամբ երկու երկրների ղեկավարների հանդիպումներից հետո հայտարարությունների վերաբերյալ։
«Նախարար Ջեյհուն Բայրամովը հակառակ կողմի ուշադրությանն է ներկայացրել Ադրբեջանի հայտնի դիրքորոշումը տարածաշրջանում խաղաղության և առաջընթացի ապահովման անհրաժեշտության վերաբերյալ, ներառյալ տրանսպորտի և հաղորդակցությունների բացումը, երկու պետությունների միջև սահմանների դելիմիտացիան և անհրաժեշտությունը սկսելու աշխատանքը ապագա խաղաղության պայմանագրի վրա»,-ասվում է հաղորդագրության մեջ։
Բացի այդ նա կարևորել է «կողմերի պարտավորությունների լիարժեք կատարումը»։
«Այս կապակցությամբ ընդգծվել է, որ հակառակ 2020 թվականի նոյեմբերի 10-ի եռակողմ հայտարարությունից բխող պարտավորություններին, հայկական զինված կազմավորումներն ամբողջությամբ դուրս չեն բերվել Ադրբեջանի տարածքից, և նշվել է դրա անթույլատրելիությունը»,-ասվում է հաղորդագրության մեջ։
Ամերիկյան կողմը ՀՀ և Ադրբեջանի ԱԳ նախարարների հետ Քերըն Դոնֆրիդի զրույցների վերաբերյալ հետևյալն է հայտնում։
«Նրանք քննարկել են տարածաշրջանում խաղաղություն հաստատելու հարցում Հայաստանին և Ադրբեջանին ընձեռված պատմական հնարավորությունը։ Փոխպետքարտուղարը վերահաստատել է տարածաշրջանային տրանսպորտային և հաղորդակցության ուղիների բացմանն աջակցելու Միացյալ Նահանգների առաջարկը: Նա կողմերին կոչ է արել թուլացնել սահմանների լարվածությունն ու խրախուսել երկխոսության շարունակումը»,- ասված է հաղորդագրությունում։
Էմմա Չոբանյան
