16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Մեքենան հրկիզել էր համագյուղացին
Հասարակություն
01.08.2022 | 18:34
Հուլիսի 24-ին, ժամը 23.25-ին, ԱԻՆ Արարատի մարզային փրկարարական վարչությունից հաղորդում ստացվեց ոստիկանության Արտաշատի բաժին, որ Աբովյան գյուղի Գայի փողոցում մեքենա է այրվում․ տեղեկացնում են ՀՀ ոստիկանությունից։
Շտապ դեպքի վայր մեկնեց բաժնի օպերատիվ խումբը: Հրշեջ-փրկարարներն իրենց գործն արեցին արագ, իսկ 32-ամյա մեքենայատերը ոստիկաններին հայտնեց, թե մոտ կես ժամ առաջ էր նկատել, որ տան դիմաց կայանված իր «Օպելն» այրվում է: Անմիջապես վարկած առաջ քաշվեց, որ մեքենան հրկիզել են:
Նախաձեռնվեց քրեական վարույթ, որի շրջանակներում էլ Արտաշատի քրեական հետախույզները ձեռնարկեցին օպերատիվ միջոցառումներ: Օպերատիվ տվյալներն իրացնելու և քննչական գործողությունների արդյունքում պարզվեց, որ մեքենան հրկիզել է նույն գյուղի բնակիչ, 30-ամյա մի տղամարդ: Բացատրական աշխատանքի արդյունքում հուլիսի 28-ին նա ներկայացավ քննչական վարչություն և տվեց խոստովանական ցուցմունք:
Հրկիզման դրդապատճառն ու դեպքի այլ հանգամանքներ նախաքննությամբ պարզվում են:
