14.04.2026 | 23:13
ԱՄՆ-ում ձերբակալում են Իրանի բարձրաստիճան պաշտոնյաների հարազատներին․ հինգ անձ սպասում է արտաքսման
Մենք որևէ ձևով չենք կարողանում ներկայացնել մեր կերպարվեստն արտասահմանում․ ապաքաղաքական զրույց Արամ Իսաբեկյանի հետ․ ՏԵՍԱՆՅՈՒԹ
Հաղորդաշարեր
30.07.2022 | 21:00
Factot TV-ի A-Politic հաղորդաշարի հյուրն է Հայաստանի գեղարվեստի պետական ակադեմիայի ռեկտոր Արամ Իսաբեկյանը: Նրա կարծիքով՝ ինչպես նախորդ տասնամյակներում, այնպես էլ՝ հիմա, կան մարդիկ, որոնք հետաքրքրվում են դասական արվեստով և կան այնպիսիք, որոնք դրա նկատմամբ անտարբեր են:
Գեղանկարիչը մասամբ համաձայն է, որ պատկերասրահների մոտ հերթեր չեն առաջանում այն պատճառով, որ Երևանը համաշխարհային մշակութային կենտրոն չէ: Բայց դա ամենևին չի նշանակում, որ Հայաստանում ապրող արվեստագետները որևէ բանով զիջում են միջազգային ճանաչում ունեցող «աստղերին»:
Մանկավարժական գործունեությունը և գեղարվեստի ակադեմիայի ռեկտորի աշխատանքը թեև շատ ժամանակ են խլում, բայց, մյուս կողմից օգնում են՝ երիտասարդության հետ շփումը ոգեւորիչ է:
Հաղորդման հյուրն անդրադարձել է նաև հայտնի գեղանկարիչների զավակ լինելու հանգամանքին: Ըստ Իսաբեկյանի՝ իր ստեղծագործական աշխատանքում ինքը երբեք չի փորձել նմանվել ծնողներին, միշտ ունեցել է իր սեփական ոճը, որը բազմիցս փոխվել է երկարատեւ ստեղծագործական ուղու ընթացքում:
Արամ Իսաբեկյանի կարծիքով՝ այժմ Հայաստանում աշխատում են մոտ քսան գեղանկարիչներ, որոնք, եթե լինեին, ասենք, ֆրանսիացի, կունենային համաշխարհային համբավ, սակայն մեր պետությունը ջանքեր չի գործադրում Հայաստանի արվեստը աշխարհում հայտնի դարձնելու ուղղությամբ, ինչպես որ դա անում են, մասնավորապես, Ֆրանսիան, Միացյալ Նահանգները, Չինաստանը: Պետության աջակցությունը այդ երկրներում արտահայտվում է նախևառաջ արվեստը հովանավորող գործարարներին արտոնություններ տալու մեջ:
Հարցազրույցն ամբողջությամբ՝ տեսանյութում:
