03.04.2025 | 22:57
ԱՄՆ Պետդեպը Թրամփի իշխանության գալուց հետո առաջին անգամ մեկնաբանել է Վրաստանում իրավիճակը
Թուրքիայի հետ սահմանի բացումով ՀՀ-ն 30% տնտեսական աճ կունենա կարճ ժամկետում․ մտահոգություններ էլ կան. Վահան Քերոբյան․ ՏԵՍԱՆՅՈւԹ
Տնտեսություն
28.07.2022 | 21:45
Էկոնոմիկայի նախարար Վահան Քերոբյանը Factor TV-ի հարցազրույցում խոսել է Հայաստանի և Թուրքիայի հարաբերությունների կարգավորմամբ պայմանավորված՝ տնտեսական դրական ակնկալիքներից, ինչպես նաև՝ մատնանշել է ռիսկերը։ Ըստ նախարարի՝ ՀՀ-ն երկու-երեք տարվա ընթացքում 30% տնետսական աճ կունենա՝ ցամաքային սահմանից հետո։ Թուրքական ներդրումներից բխող ռիսկերի հաշվարկներ են կատարվում, և ըստ Քերոբյանի՝ սահմանից բացման դեպքում «պաշտպանական» կարգավորումներ կարվեն։
Ապաշրջափակման հարցով, ըստ փոխվարչապետ Մհեր Գրիգորյան՝ ՀՀ-ի և Ադրբեջանի դիրքորոշումները մոտեցել են։ Հարց ուղղեցինք Վահան Քերոբյանին՝ Էկոնոմիկայի նախարարությունը հաշվարկե՞լ է օգուտներն ու վնասները, որ բերելու է ապաշրջափակումը, ունե՞ն արդյոք հաշվարկներ՝ ՀՀ-ին ձեռնտու լինելո՞ւ է երկաթուղու կառուցումը։ Մտահոգությունն այն է՝ չստացվի այնպես, որ 200 մլն դոլար ծախսվի, բայց չօգտագործվի, կամ վնասով աշխատի։ Պարոն նախարարը նշում է, որ զարգացած արդյունաբերություն անհնար է ունենալ՝ առանց երկաթուղային հաղորդակցությունների։ Իսկ Ադրբեջանի հետ երկաթուղային հաղորդակցությունը վերականգնելուց հետո, ըստ նրա, ՀՀ-ն երկաթուղային կապ կստանա ՌԴ-ի, Իրանի, Կենտրոնական Ասիայի հետ, ինչպես նաև՝ ՀՀ-ի տարածքով հնարավոր կլինի երկաթուղիով կապել Սև ծովն ու Պարսից ծոցը։
Արևմտյան ներդրումներ ներգրավելու նպատակով Էկոնոմիկայի նախարարությունը պատրաստվում է շուտով դիմել ԱՄՆ-ի իշխանություններին, որպեսզի ՀՀ-ին տրվի շուկայական տնտեսության կարգավիճակ։ Վահան Քերոբյանը մանրամասնեց, թե ինչ օգուտներ կունենա ՀՀ-ն, երբ ԱՄՆ կառավարությունն այդպիսով սիգնալ տա ամերիկացի ներդրողներին՝ ՀՀ-ում ևս ներդրումներ կատարել։
ՀՀ-ն ընդգրկվել է ԱՄՆ-ի Ֆինանսների նախարարության Արդյունաբերության և անվտանգության բյուրոյի՝ այն երկրների ցանկում, որոնց տարածքով պատժամիջոցների տակ հայտնված ապրանքները կարող են հասնել Ռուսաստան և Բելառուս: Նույնիսկ դա նշանակում է, որ ՀՀ-ի նկատմամբ եղել են կասկածներ։ Նախարարն ասաց, որ տարօրինակ կլիներ, եթե ՀՀ-ն այդ ցուցակում չընդգրկվեր, քանի որ ԵՏՄ-ի անդամ է՝ Բելառուս և ՌԴ-ի հետ ազատ առևտրի ռեժիմ ունի։ Միաժամանակ, նախարարը վստահեցրեց՝ ուշադրությամբ հետևում են, որպեսզի ՀՀ-ն չդառնա սանկցիաներից խուսափելուն օժանդակող երկիր՝ մեր պետության դեմ էլ սանկցիա չլինի։
Էկոնոմիկայի նախարարը խոսել է նաև Ամուլսարը՝ առաջիկայում շահագործելու, Հատիս լեռան վրա Հիսուս Քրիստոսի արձանի տեղադրման ծրագրի, հողային ռեֆորմի, գյուղատնտեսության զարգացման և այլ հարցերի մասին։
Հարցազրույցն ամբողջությամբ՝ տեսանյութում։
Ռոբերտ Անանյան
