08.06.2026 | 07:53
Ամփոփվել են 1596 ընտրատեղամասերից ստացված նախնական արդյունքները. ԿԸՀ
Անբարեխիղճ մրցակցության դրսևորումների բավական աճ ունենք․ նախկինում թաքնված է եղել․ ՄՊՀ անդամ
Տնտեսություն
27.07.2022 | 12:58
Մրցակցության պաշտպանության հանձնաժողովի նախաձեռնությամբ փոփոխություններ ու լրացումներ են կատարվել «Առևտրի և ծառայությունների մասին», ինչպես նաև հարակից օրենքներում:
«2022թ. հուլիսի 31-ից ուժի մեջ են մտնելու ակցիաների, այդ թվում՝ զեղչերի իրականացման վերաբերյալ կարգավորումները»,- այս մասին այսօր հրավիրված ասուլիսում հայտարարեց Մրցակցության պաշտպանության հանձնաժողովի անդամ Տիգրան Մարկոսյանը՝ հույս հայտնելով, որ բարեխիղճ տնտեսվարողները կհետևեն կարգավորումներին:
Մարկոսյանի խոսքով՝ անբարեխիղճ մրցակցության դրսևորումների բավական աճ է գրանցվել:
«Ունենք մի շարք դեպքեր, երբ ակցիաներին առնչվող խնդիրներ են արձանագրվել և անբարեխիղճ մրցակցություն դրսևորած տնտեսվարող սուբյեկտների նկատմամբ կիրառվել են տուգանքներ՝ խոսքը մի քանի միլիոնի մասին է:
Կան անբարեխիղճ մրցակցություն դրևորած տնտեսվարող սուբյեկտներ կամ գերիշխող դիրքի չարաշահում ցուցաբերած տնտեսվարողներ: Վիճակագրության համաձայն՝ այս տարի նրանց թիվն ավելին է, քան նախորդ տարի: Բայց անբարեխիղճ մրցակցության դրսևորումների թվի աճը պայմանավորված է ոչ թե նրանով, որ իրավախախումներ ավելի շատ են արվել, այլ նրանով, որ նախկինում դրանք թաքնված են եղել՝ երևույթը կար, բայց այդ մասին չէր բարձրաձայնվում»,- նշեց Մարկոսյանը։
Մանրամասները՝ տեսանյութում:
