16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Արմեն Գրիգորյանը ընդգրկվել է սուսերամարտի Փառքի սրահում
25.07.2022 | 22:43
Հայաստանի սուսերամարտի ֆեդերացիայի նախագահ, Հայաստանի ազգային օլիմպիական կոմիտեի փոխնախագահ, մանկավարժական գիտությունների դոկտոր-պրոֆեսոր Արմեն Գրիգորյանն ընդգրկվել է սուսերամարտի միջազգային ֆեդերացիայի Փառքի սրահում։ Այդ մասին տեղեկացնում է ՀԱՕԿ-ի պաշտոնական կայքը։
Որոշումը կայացրել է սուսերամարտի միջազգային ֆեդերացիայի գործադիր կոմիտեն։ ՍՄՖ-ի Փառքի սրահը ստեղծվել է 2013 թվականին: Նպատակն է՝ հանրությանը և մարզաշխարհին ներկայացնել մարզաձևի համաշխարհային ընտանիքում նշանակալի արդյունքներ ցույց տված և մեծ ներդրում ունեցած մարզիկներին, մարզիչներին, մասնագետներին, գործիչներին։
Արմեն Գրիգորյանը մեր երկրի առայժմ միակ ներկայացուցիչն է այդ սրահում:
