16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
Վարկատուները կհետաձգեն Ուկրաինայի պետական պարտքի վճարումները
Քաղաքականություն
20.07.2022 | 23:05
Ուկրաինայի արտաքին առևտրային վարկատուների խումբը, որից կախված է երկրի ֆինանսական աջակցությունը ԱՄՀ-ից, համաձայնել են 2022 թվականի օգոստոսի 1-ից մինչև 2023 թվականի վերջ Ուկրաինայի պարտքի սպասարկման համակարգված դադարեցումը, գրում է DW-ի ռուսական ծառայությունը։
Ավելի վաղ այդ մասին խնդրել էր Կիևի կառավարությունը։
«Մենք՝ Ուկրաինայի մի խումբ վարկատուներ, մեր համերաշխությունն ու աջակցությունն ենք հայտնում Ուկրաինային՝ պաշտպանվելու Ռուսաստանի չարդարացված, չհրահրված և անօրինական ագրեսիվ պատերազմից»,- ասված է Գերմանիայի ֆինանսների նախարարության կայքէջում տարածված հաղորդագրության մեջ։ Խումբը բաղկացած է Կանադայից, Ֆրանսիայից, Գերմանիայից, Ճապոնիայից, Միացյալ Թագավորությունից և ԱՄՆ-ից։
Հիշեցնենք, որ արևմտյան լրատվամիջոցներն ավելի վաղ հայտնել էին, որ Կիևը պարտատերերից կխնդրի հետաձգել արտաքին պարտքի վճարումը, քանի որ Ուկրաինային կանխիկ գումար է անհրաժեշտ Ռուսաստանի Դաշնության հետ երկարատև պատերազմի դեպքում։ Բացի այդ, Գերագույն Ռադան նախագծի բանաձև է գրանցել ՝ դիմելու նախագահին և կառավարությանը՝ արտաքին պարտքի չեղարկման շուրջ բանակցություններ վարելու խնդրանքով։
Տաթև Ֆռանգյան
