28.07.2026 | 10:30
Պեսկովը հայտարարել է, որ Պուտինը Փաշինյանին հիշեցրել է ԵՄ-ի հարցով Հայաստանում հանրաքվեի անհրաժեշտության մասին
Ուկրաինան խնդրում է հետաձգել արտաքին պարտքի վճարումը
Քաղաքականություն
20.07.2022 | 14:09
Ուկրաինայի նախարարների կաբինետը հավանություն է տվել արտաքին պարտքի վճարումը երկու տարով հետաձգելու մասին բանաձևին։ Պարտքի վերակազմավորումը հնարավոր կլինի միայն այն դեպքում, եթե պարտատերերը հաստատեն որոշումը։ Այդ մասին է վկայում 2022 թվականի հուլիսի 19-ի թիվ 805 որոշումը, գրում է Korespondent-ը ։
Կառավարության որոշումն ուժի մեջ կմտնի միայն այն դեպքում, եթե պարտատոմսատերերը համաձայնեցնեն փաստաթղթով նախատեսված փոփոխությունները։ Պետական պարտքը սպասարկվելու և մարվելու է պարտատոմսերի թողարկման պայմաններին համապատասխան։
Փաստաթղթով նախատեսվում է, որ պարտատոմսերի մարման ժամկետը հետաձգվի 24 ամսով` սկսած համապատասխան վերջնական մարման ամսաթվից:
Արտոնյալ ժամանակահատվածում պարտատոմսերի տոկոսային եկամուտները կշարունակեն կուտակվել համապատասխան պարտատոմսերի թողարկման պայմաններով սահմանված դրույքաչափերով:
Լրացուցիչ տոկոսային եկամուտները նույնպես հաշվարկվում են հաշվեգրված հիմնական տոկոսային եկամտի չափով` համապատասխան պարտատոմսերի թողարկման պայմաններով նախատեսված դրույքաչափերով (լրացուցիչ տոկոսային եկամուտ):
Հիշեցնենք, որ արևմտյան լրատվամիջոցներն ավելի վաղ հայտնել էին, որ Կիևը պարտատերերից կխնդրի հետաձգել արտաքին պարտքի վճարումը, քանի որ Ուկրաինային կանխիկ գումար է անհրաժեշտ Ռուսաստանի Դաշնության հետ երկարատև պատերազմի դեպքում։
Բացի այդ, Գերագույն Ռադան նախագծի բանաձև է գրանցել ՝ դիմելու նախագահին և կառավարությանը՝ արտաքին պարտքի չեղարկման շուրջ բանակցություններ վարելու խնդրանքով։
Տաթև Ֆռանգյան
