16.02.2026 | 19:13
IDBank-ը ներկայացուցչություն է բացել ԱՄՆ Կալիֆորնիա նահանգի Գլենդել քաղաքում
ԵՄ-ն մտադիր է 15 տոկոսով նվազեցնել գազի սպառումը Ռուսաստանից մատակարարումների հետ կապված խնդիրների պատճառով
Քաղաքականություն
20.07.2022 | 15:44
Ռուսաստանից գազի մատակարարման դադարեցման մտավախությունից ելնելով՝ Եվրամիությունը մտադիր է անդամ երկրներին առաջարկել օգոստոս ամսից ինքնակամ կրճատել բնական գազի սպառումը 15 տոկոսով։ Այս մասին հայտնում է Bloomberg-ը՝ հղում կատարելով «Անվտանգ ձմռան համար գազի տնտեսում» ծրագրին, որը Եվրամիությունը պետք է ներկայացնի հուլիսի 20-ին։
Այս պլանի շրջանակներում, ըստ գործակալության, առաջարկվելու են այնպիսի միջոցառումներ, ինչպիսիք են ջեռուցման և հովացման ծախսերի նվազեցումը, ինչպես նաև շուկայական բնույթի միջոցառումներ:
Եվրահանձնաժողովի նախնական գնահատականի համաձայն, որի հետ ծանոթացել է Bloomberg-ը, խիստ ձմռան դեպքում ԵՄ համախառն ներքին արդյունքի մինչև 1,5 տոկոսը վտանգված կլինի։
Գործակալության աղբյուրների համաձայն՝ եվրոպացի դիվանագետների շրջանում, ենթադրվում է, որ մատակարարումների լուրջ դեֆիցիտի զգալի ռիսկի կամ պահանջարկի կտրուկ աճի դեպքում Եվրահանձնաժողովին իրավունք կտրվի տագնապ հայտարարել ողջ ԵՄ տարածքում։ Այս ծրագիրը պետք է հաստատվի Եվրամիության անդամ երկրների կողմից։
Եվրոպական բյուջեի հարցերով հանձնակատար Յոհաննես Հանը լրագրողներին ասել է, որ Եվրահանձնաժողովը չի ակնկալում հուլիսի 21-ից՝ պլանային սպասարկման պաշտոնական վերջնաժամկետից հետո «Հյուսիսային հոսք» գազատարի շահագործման վերսկսում: Դրանից հետո ՌԴ նախագահ Վլադիմիր Պուտինն հայտարարեց, որ «Հյուսիսային հոսք»-ով գազի մղումը կարող է կրճատվել 1/5-ով, այսինքն՝ մինչև 33 միլիոն խմ օրական – եթե Siemens-ի գազատուրբիններից մեկը իր ռեսուրսի սպառումից հետո չփոխարինվի Կանադայում վերանորոգվածով:
Տաթև Ֆռանգյան
