02.04.2026 | 14:45
Դավիթ Ղազինյանի և Արամ Օրբելյանի ասուլիսը ՀԷՑ-ի շուրջ իրավական գործընթացների վերաբերյալ. ՈՒՂԻՂ
ԱՄՆ-ն Ուկրաինային շուրջ 170 միլիոն դոլարի մարդասիրական օգնություն կտրամադրի
Քաղաքականություն
20.07.2022 | 14:37
Միացյալ Նահանգների Միջազգային զարգացման գործակալությունը (USAID) լրացուցիչ 169 միլիոն դոլարի մարդասիրական օգնություն կտրամադրի Ուկրաինային։ Այս մասին Twitter-ում հայտնել է Ուկրաինայում ԱՄՆ դեսպանատունը։
«USAID-ն ավելի քան 169 միլիոն դոլարի հավելյալ մարդասիրական օգնություն է տրամադրում Ուկրաինայում Ռուսաստանի պատերազմից տուժածներին: Այդ միջոցներով կտրամադրվի սնունդ, կացարան, ջուր, հիգիենայի պարագաներ, բժշկական օգնություն և այլն»,- հայտնել են դեսպանատնից։
USAID-ի կայքում նշվում է, որ այս հայտարարությունն արվել է կազմակերպության ներկայացուցիչ Սամանթա Փաուերի՝ Ուկրաինայի առաջին տիկին Ելենա Զելենսկայայի հետ ԱՄՆ կատարած այցի ընթացքում կայացած հանդիպումից հետո։
Ռուսաստանի հետ պատերազմի մեկնարկից հետո հինգ ամիսների ընթացքում ամերիկյան կողմը Ուկրաինային տրամադրել է ավելի քան 1,45 միլիարդ դոլարի մարդասիրական օգնություն, մոտ 952 միլիոն դոլարը՝ USAID-ի միջոցով։
Տաթև Ֆռանգյան
