Նարիշկինի «գաղտնի» այցն Ադրբեջան․ինչո՞ւ է լռում պաշտոնական Բաքուն

ՌԴ արտաքին հետախուզության ծառայության ղեկավար Սերգեյ Նարիշկինը նախօրեին այցելել էր Ադրբեջան։ Բաքվում նա հանդիպել էր Ադրբեջանի նախագահ Իլհամ Ալիևին, ինչպես նաև ադրբեջանցի իր գործընկերոջ՝ Օրհան Սուլթանովին, որի հետ էլ  համագործակցության պայմանագիր էր ստորագրել։

Սակայն ուշագրավն այն է, որ  Նարիշկի այցի ու հանդիպումների մասին լռում է պաշտոնական Բաքուն։ Ադրբեջանի նախագահի գրասենյակը  հաղորդագրություն չի հրապարակել Ալիև-Նարիշկին հանդիպման մասին։ Պետական, ինչպես նաև իշխանամետ լրատվամիջոցները ևս այցի մասին այդպես էլ ոչ մի տեղեկություն չեն հաղորդել։ Այս հանգամանքի վրա ուշադրություն է հրավիրում Թուրան գործակալությունը։

Հանդիպումների մասին խոսել էր Նարիշկինը, որը Բաքվում ՌԴ դեսպանատանը կարճ մամուլի ասուլիս էր տվել։ Ասուլիսին մասնակցել էին  միայն ռուսական ԶԼՄ-երի ներկայացուցիչները՝  «ՏԱՍՍ», «Սպուտնիկ» գործակալություններն ու «Միր» հեռուստաընկերությունը։

Ինչո՞վ է բացատրվում պաշտոնական Բաքվի «գաղտնիությունը» ՌԴ արտաքին հետախուզության ծառայության ղեկավարի այցի շուրջ, դժվար է ասել։

Հիշեցնենք, որ ասուլիսում Նարիշկինը հայտարարել էր, որ  Ադրբեջանի ու ՌԴ-ի  արտաքին հետախուզական ծառայությունների միջև հետախուզության ոլորտում համագործակցության զարգացման մասին համաձայնագիր է ստորագրվել։ Փաստաթուղթը նախատեսում է  համատեղ գործողություններ երկու պետությունների ազգային ինքնիշխանության և տարածքային ամբողջականության պաշտպանության, միջազգային ահաբեկչության և արմատական ​​ծայրահեղականության դեմ պայքարի, երրորդ երկրներում Ռուսաստանի և Ադրբեջանի քաղաքացիների շահերի պաշտպանության հարցերում։  Հավելենք, որ Սերգեյ Նարիշկինը դրանից ընդամենը այցով Հայաստանում էր օր առաջ Երևանում էր։

Էմմա Չոբանյան