30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
Էրդողանը ձգտում է ընդլայնել պաշտպանական արդյունաբերության ոլորտում համագործակցությունը Իրանի հետ
Քաղաքականություն
20.07.2022 | 10:54
Թուրքիան ձգտում է Իրանի հետ խորացնել ռազմաարդյունաբերության ոլորտում համագործակցությունը։ Այս մասին Թուրքիայի նախագահ Ռեջեփ Թայիփ Էրդողանը հայտարարել է Իրանի նախագահ Էբրահիմ Ռաիսիի հետ հանդիպմանը, գրում են թուրքական լրատվամիջոցները։
«Հնարավոր է արագացնել այդ գործընթացը այն քայլերով, որոնք մենք ձեռնարկելու ենք պաշտպանական արդյունաբերության ոլորտում, դա կարելի է արագացնել թե՛ նավթի, թե՛ բնական գազի հանքավայրերում ձեռնարկվելիք քայլերով։Թուրքիան վերջին տարիներին կարևոր առաջընթաց է գրանցել հատկապես պաշտպանական ոլորտում։ Ինձ շատ է հետաքրքրում այս հարցում մեր համերաշխությունը»,-ասել է Էրդողանը։
Նա նաև նշել է, որ Թուրքիան ու Իրանը տուժում են ահաբեկչությունից։
«PKK, PYD, YPG և FETÖ ահաբեկչական կազմակերպությունները և՛ Թուրքիայի, և՛ Իրանի համար խնդիրներ են ստեղծում։ Մենք պետք է շարունակենք միասին պայքարել նրանց դեմ ի նշան համերաշխության»,-ասել է Էրդողանը։
Երկու ղեկավարները համանախագահել են Թուրքիա-Իրան Բարձր մակարդակի համագործակցության խորհրդի 7-րդ նիստը՝ ուղղված երկկողմ համագործակցության ընդլայնմանը, և ստորագրել են ընդհանուր առմամբ ութ համաձայնագիր առևտրի, սոցիալական ապահովության և սպորտի ոլորտներում։
Էրդողանը նաև հույս է հայտնել, որ երկու երկրների առևտրաշրջանառությունը կհասնի 30 մլրդ դոլարի։
Էմմա Չոբանյան
