23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Մեկնարկել են Գոշավանք տանող ավտոճանապարհի հատվածի հիմնանորոգման աշխատանքները
Տնտեսություն
19.07.2022 | 12:40
Մեկնարկել են Հ-30, մոտեցում Գոշավանքին հանրապետական նշանակության ավտոճանապարհի կմ 0+000-կմ 3+900 հատվածի հիմնանորոգման աշխատանքները։ Այդ մասին հայտնում են «Ճանապարհային դեպարտամենտ» հիմնադրամից:
«Այս պահին ընթանում են հողային, բետոնե վաքերի տեղադրման աշխատանքներ։ Հիմնանորոգման շրջանակում կկառուցվեն և կնորոգվեն հենապատեր, կհիմնանորոգվի երթևեկելի մասը, կնորոգվի ճանապարհի վրա գտնվող կամուրջը, կկատարվի ճանապարհի կահավորում, կկառուցվեն մայթեր և այլն։
Ճանապարհաշինական աշխատանքները կատարում է «Կապավոր» ՍՊԸ-ն, իսկ տեխնիկական հսկողությունը՝ «Սուֆետ» ՍՊԸ-ն։
3.9կմ երկարությամբ ճանապարհը հիմնանորոգվում է ՀՀ պետական բյուջեի միջոցներով, շինաշխատանքների պայմանագրային արժեքը՝ 285 մլն դրամ։
Նշենք, որ դեպի Գոշավանք տանող ճանապարհը զբոսաշրջային բանուկ երթուղի է, և ճանապարհային ենթակառուցվածքի բարեկարգումն էապես կնպաստի տարածաշրջանում զբոսաշրջության զարգացմանը»,- ասված է հաղորդագրությունում։
