30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռուսաստանին ցանկացած զինատեսակի փոխանցումը թանկ կնստի Պեկինի վրա․ ԱՄՆ Պետդեպարտամենտ
Քաղաքականություն
19.07.2022 | 12:28
Չինաստանի կողմից հակառուսական պատժամիջոցների շրջանցումը կամ Ռուսաստանին ցանկացած զենքի փոխանցումը թանկ կնստի Պեկինի վրա։ Այս մասին իր ճեպազրույցի ժամանակ ասել է Պետդեպարտամենտի խոսնակ Նեդ Փրայսը։ Ըստ պաշտոնյայի՝ ԱՄՆ պետքարտուղար Էնթոնի Բլինկենն արդեն զգուշացրել է Չինաստանի արտաքին գործերի նախարար Վան Իին:
«Մենք հրապարակայնորեն ազդարարել ենք, որ Չինաստանի կողմից Ռուսաստանին զենքի կամ ցանկացած օգնության տրամադրումը՝ շրջանցելով աննախադեպ պատժամիջոցները, արտահանման հսկողությունը կամ Մոսկվայի դեմ այլ ֆինանսական միջոցները, շատ թանկ կարժենա», – ասել է նա։ Պետդեպարտամենտի խոսնակը ընդգծել է, որ այդ դեպքում Չինաստանի վրա ճնշում կգործադրվի ոչ միայն ԱՄՆ-ի, այլև աշխարհի տասնյակ այլ պետությունների կողմից, որոնց հետ աշխատում է Վաշինգտոնը։
«Մենք չենք տեսնում, որ Չինաստանը ներգրավված լինի ընդդեմ ՌԴ-ի պատժամիջոցների շրջանցման կամ ռազմական նշանակության ապրանքների տրամադրման ինչ-որ համակարգում, սակայն մենք համակ ուշադրությամբ կհետևենք»,- զգուշացրել է ամերիկացի պաշտոնյան։
Տաթև Ֆռանգյան
