17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
ՀՀ Ազգային արխիվի տնօրենը մասնակցել է ԱՊՀ պետությունների արխիվային ծառայությունների ղեկավարների նիստին
18.07.2022 | 21:02
«Հայաստանի ազգային արխիվ» ՊՈԱԿ-ի տնօրեն Գրիգոր Արշակյանը Ղազախստանի Հանրապետության Ալմաթի քաղաքում հուլիսի 14-15-ը մասնակցել է ԱՊՀ անդամ պետությունների պետական արխիվային ծառայությունների ղեկավարների Խորհրդատվական խորհրդի 18-րդ նիստին։
Նիստին մասնակցել են Բելառուսի, Ղրղզստանի, Ռուսաստանի, Տաջիկստանի, Ուզբեկստանի, Ղազախստանի, Ադրբեջանի արխիվային ծառայությունների, ինչպես նաև ԱՊՀ Գործադիր կոմիտեի ղեկավարներն ու ներկայացուցիչները։
Ըստ աշխատակարգի` քննարկվել են փաստաթղթերի պահպանման և հաշվառման, արխիվների հանրահռչակման, արխիվային գործի ոլորտում նորմատիվ իրավական ակտերի ընդունման, էլեկտրոնային ծառայությունների ներդրման, միջազգային հարաբերությունների, արխիվային ոլորտի նյութատեխնիկական բազայի վերաբերյալ հարցեր և հնչել առաջարկություններ։
Հայաստանի ազգային արխիվի տնօրեն Գ.Արշակյանը հանդես է եկել «Հայաստանի ազգային արխիվի զարգացումն ու հեռանկարները» և «Փաստաթղթերի վերականգնման և կենսաբանական վնասման պայքարի միջոցները» խորագրով զեկույցներով:
Որոշվել է շարունակել ակտիվ համագործակցությունը՝ արխիվագիտության և արխիվային գործի կազմակերպման փորձի փոխանակման, պետական արխիվային ծառայությունների մասնագետների վերապատրաստման և այլ հարցերի շուրջ:
ԱՊՀ պետական արխիվային ծառայությունների ղեկավարների Խորհրդատվական խորհրդի կանոնադրության համաձայն՝ Խորհրդատվական խորհրդի նախագահ է ընտրվել Ուզբեկստանի Հանրապետության «ՈՒԶԱՐԽԻՎ» գործակալության տնօրեն Ուլուգբեկ Յուսուպովը։
Որոշվել է ԱՊՀ անդամ պետությունների պետական արխիվային ծառայությունների ղեկավարների Խորհրդատվական խորհրդի հերթական՝ 19-րդ նիստն անցկացնել Ուզբեկստանում՝ քաղաք Սամարղանդում։
