Հաղորդում հանցագործության մասին․ ինչո՞ւ են շարունակվում աշխատանքները Հատիս լեռան վրա․ ՏԵՍԱՆՅՈՒԹ

Լուրեր

19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
Բոլորը

Հատիս լեռան վրա աշխատանքները չեն դադարեցվել՝ ահազանգում են արշավականները, որոնք հանգստյան օրերին տեղում աշխատող շինտեխնիկա են նկատել։ «Գագիկ Ծառուկյան» հիմնադրամը մինչ այս հայտարարել էր , թե Հիսուս Քրիստոսի արձանի շինարարությունը չի սկսվելու քանի դեռ համապատասխան կառույցները փորձագիտական եզրակացություն չեն տվել։ Արշավական Աշոտ Խաչատրյանը հուլիսի 16-ին է Հատիս բարձրացել ու անձամբ արձանագրել, որ չնայած խոստումներին,  տեխնիկան շարունակում է աշխատել։

Դեռ օրեր առաջ բնության հուշարձանների ցանկին և նախագծի պատշաճ ուսումնասիրության անհրաժեշտության հիմքով կառուցապատման դադարեցումը պահանջած Շրջակա միջավայրի նախարարությունից այսօր թեմային անդրադառնալ չցանկացան։

Հիսուս Քրիստոսի 33 մ-ոց արձանի տեղադրման աշխատանքների պաշտոնական մեկնարկը տրվեց օրեր առաջ։ Ու չնայած, որ վարչապետն էլ Կառավարության նիստում ողջունել էր արձանի տեղադրման գաղափարը, նշելով, որ այն կմեծացնի զբոսաշրջային հետաքրքրությունը Հայաստանի նկատմամբ,  աշխատանքների պաշտոնական մեկնարկի հենց հաջորդ օրը  ԿԳՄՍ նախարարությունը հայտարարություն տարածեց՝ նշելով, որ թեպետ ընդունելի  է համարում «Հիսուս Քրիստոս» մոնումենտալ արձանի գաղափարը, բայց պահանջում է դադարեցնել ցանկացած գործունեություն հնավայր-ամրոցի տարածքում՝ մինչ սահմանված կարգով նախագծի ներկայացումը և մասնագիտական ուսումնասիրությունը։ «Գագիկ Ծառուկյան» բարեգործական հիմնադրամն էլ հայտարարել էր,  որ տարածքում իրականացվում են  բացառապես ենթակառուցվածքների՝ ճանապարհների, էլեկտրականության, գազի, ջրի մատակարարումն ապահովելու ուղղությամբ տարվող որոշակի աշխատանքներ։ 

Հատիս լեռան վրա արձանի տեղադրման դեմ բողոքողները  ԿԳՄՍՆ-ից տեղեկանք են ստացել այն մասին, որ Հատիսի տարածքում ոչ թե 20, այլ 50 հուշարձան կա։  Դրանց  շարքում վերջին տարիներին հայտնաբերված  բրոնզ-երկաթեդարյան ամրոցն է, որ դեռևս մանրակրկիտ չի էլ ուսումնասիրվել, սակայն արդեն իսկ վնասված է։

Որ տարածքի ապօրինիի օտարում է տեղի ունեցել, «Հետք» պարբերականն էր ահազանգել։ 2022 թվականին 140 հեկտար հողատարածք, այդ թվում՝ հնավայր-ամրոցի տարածքը, աճուրդային կարգով օտարվել է «Գագիկ Ծառուկյան» բարեգործական հիմնադրամին։ Հողակտորների համար Կադաստրի կոմիտեից «Գագիկ Ծառուկյան» բարեգործական հիմնադրամը սեփականության իրավունքի վկայական է ստացել 2022 թվականի հունիսի 14-ին։ Հողամասերի բնութագրերում նշված են, որ դրանք արոտավայրեր են։ Հատիս լեռն ընդգրկված է ՀՀ բնության հուշարձանների ցանկում և այդտեղ արձանի տեղադրումը դատապարտել է նաև ԳԱԱ հնագիտության և ազգագրության ինստիտուտը։ Արձանի կառուցումը անընդունելի էր համարել նաև Հայ առաքելական եկեղեցին, նշելով, որ այն «հակասում է Եկեղեցու ավանդույթին, ազգային-եկեղեցական մշակույթին, եկեղեցաբանական և աստվածաբանական սկզբունքներին, Հայ Եկեղեցու դարավոր պատկերագրական և պաշտամունքային ավանդույթին»։ 

Քաղհասարակությունը ներկայացնող ավելի քան 15 կազմակերպություններ այսօր հանդես են եկել արձանի տեղադրման, հարակից տարածքում այլ օբյեկտների շինաշխատանքների դեմ։ Նրանք պահանջում են դադարեցնել շինաշխատանքները և մատնանշում են մի շարք խնդիրներ՝ այդ թվում հանրային նշանակության և մշակութային հուշարձան հանդիսացող տարածքը մասնավոր անձի օտարելը, որը լի է կոռուպցիոն ռիսկերով։ Ըստ ՀԿ-ների՝ իշխանությունները խախտում են ՀՀ մշակութային ժառանգության պահպանության օրենսդրությունը, «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի և «Բնության հատուկ պահպանվող տարածքների մասին» ՀՀ օրենքի պահանջները, բացի այդ՝  անտեսվել է հանրային լսումների անցկացման կարևորությունը։  

Factor TV-ին ոստիկանությունից տեղեկացրեցին, որ հանցագործության մասին որևէ  հաղորդում չեն ստացել, Դատախազությունից խոստացան ավելի ուշ պատասխանել , իսկ Գագիկ Ծառուկյան բարեգործական հիմնադրամից նախ խոստացան ավելի ուշ խոսել, այնուհետև մեր զանգերին չպատասխանեցին։ 

Մանրամասները՝ տեսանյութում։

Սաթենիկ Հայրապետյան