17.01.2026 | 14:10
Նոր համայնքային փնջեր են ձևավորվելու․ ՏԿԵՆ-ը նախագիծ է ներկայացրել
Որոշ խաղացողներ փորձում են խաթարել Թեհրանի ու Բաքվի հարաբերությունները․ Իրանի ԱԽ քարտուղարը՝ Ալիևին
Քաղաքականություն
15.07.2022 | 20:11
Իրանի Ազգային անվտանգության գերագույն խորհրդի քարտուղար Ալի Շամխանին Բաքվում այսօր հանդիպել է Ադրբեջանի նախագահ Իլհամ Ալիևին, գրում է իրանական IRNA գործակալությունը։ Նա նշել է, որ Իրանի Հանրապետությունը որևէ սահմանափակում չունի Ադրբեջանի հետ հարաբերությունների և փոխադարձ համագործակցության բարելավման հարցում։
Հանդիպմանը նա նշել է, որ նախագահ Էբրահիմ Ռաիսիի վարչակազմը հատուկ նշանակություն է տալիս հարևան պետությունների հետ հարաբերությունների խորացմանն ու ընդլայնմանը։
«Երկու երկրների հարաբերությունները գտնվում են հաճելի վիճակում, և մենք վստահ ենք, որ երկու երկրների ղեկավարների ուշադրության և ջանքերի արդյունքում հարաբերությունները կբարելավվեն՝ հասնելով գերազանց մակարդակի»,- ասել է իրանցի պաշտոնյան Ադրբեջանի նախագահին։
Նա նաև նշել է, որ կան «որոշ խաղացողներ, որոնք փորձում են խաթարել երկկողմ հարաբերությունները, ուստի Բաքուն ու Թեհրանը չպետք է թույլ տան անջրպետ ստեղծել երկու բարեկամ ժողովուրդների միջև»։
Շամխանին նաև հույս է հայտնել, որ Իլհամ Ալիևի առաջիկա այցը Իրան ճանապարհ կհարթի Բաքու-Թեհրան հարաբերություններում մեծ թռիչքի համար։
Ալիևն էլ իր հերթին պատրաստակամություն է հայտնել Իրանի նախագահին հյուրընկալելու Բաքվում՝ հավելելով, որ մի քանի անգամ եղել է Թեհրանում և կրկին կայցելի՝ հետամուտ լինելու համատեղ պայմանավորվածությունների կատարմանը։
Էմմա Չոբանյան
