17.01.2026 | 14:14
Հրդեհ Տիչինայի փողոցում
Moody’s-ը հայտարարել է Բելառուսի արտաքին պարտքի դեֆոլտի մասին
Քաղաքականություն
15.07.2022 | 12:19
Բելառուսը չի կատարել արտաքին պարտքի հետ կապված պարտավորությունները, հայտնում է Moody’s միջազգային վարկանիշային գործակալությունը, գրում է Meduza-ն։ Հուլիսի 13-ին լրացավ արտոնյալ ժամկետը, որի ընթացքում երկիրը պետք է վճարեր 22,9 մլն դոլար Belarus-27 եվրոպարտատոմսերով։ Բելառուսի ֆինանսների նախարարությունն այս վճարումը կատարել է ազգային արժույթով, ինչի պատճառով պարտատոմսերի տերերը չեն ստացել վճարումները։
Հունիսի վերջին Բելառուսը հայտարարեց, որ երկիրը եվրոպարտատոմսերի հետ կապված իր պարտավորությունները կկատարի բելառուսական ռուբլով՝ «Բելառուսբանկի» հաշվեհամարին։
Դեռևս հունիսի 22-ին ՌԴ նախագահ Վլադիմիր Պուտինը հրամանագիր էր ստորագրել Ռուսաստանի արտաքին պարտքի ռուբլով վճարումների նոր ժամանակավոր ընթացակարգ սահմանելու մասին։ Հունիսի 27-ին Moody’s-ը հայտնել էր եվրապարտատոմսերի գծով Ռուսաստանի դեֆոլտի մասին այն բանից հետո, երբ ռուսական սուվերեն եվրապարտատոմսերի սեփականատերերը չէին կարողացել մինչև 30-օրյա արտոնյալ ժամկետի ավարտը արժեկտրոնային վճարումներ ստանալ դրանցից երկուսի համար՝ շուրջ 100 միլիոն դոլար ընդհանուր արժողությամբ:
Տաթև Ֆռանգյան
