13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Տոյվո Կլաարը Երևանից հետո այցելել է Բաքու
Քաղաքականություն
15.07.2022 | 11:53
Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը Բաքվում է։
Այս մասին պաշտոնյան հայտնել է Թվիթերի իր էջում։«Գեղեցիկ առավոտ Բաքվում. Սպասում ենք կարևոր հանդիպումների»,-գրել է Կլաարը։
Հիշեցնենք, մինչ այդ եվրոպացի պաշտոնյան Երևանում էր։ Հայաստանում գտնվելու ընթացքում Տոյվո Կլաարը հանդիպել է ՀՀ վարչապետ Նիկոլ Փաշինյանի հետ։ Հանդիպմանը ներկա է եղել նաև Հայաստանում Եվրոպական միության պատվիրակության ղեկավար, դեսպան Անդրեա Վիկտորինը:
Կառավարության տարածած հաղորդագրության համաձայն՝ հանդիպմանն անդրադարձ է կատարվել Հարավային Կովկասի տարածաշրջանում տեղի ունեցող գործընթացներին, Լեռնային Ղարաբաղի շուրջ իրավիճակին, խաղաղության ու կայունության ապահովմանն ուղղված քայլերին:
Անդրադարձ է կատարվել նաև հայ-թուրքական հարաբերությունների կարգավորման գործընթացին: Տոյվո Կլաարը Հայաստանում հանդիպել է նաև փոխվարչապետ Մհեր Գրիգորյանի հետ։
Տաթև Ֆռանգյան
