15.09.2026 | 13:42
Լարված իրավիճակ՝ Գյումրիի ավագանու նիստում․ Սիմոնյանը լքեց դահլիճը․ ՏԵՍԱՆՅՈՒԹ
Կյանքից հեռացել է Դոնալդ Թրամփի առաջին կինը
Քաղաքականություն
15.07.2022 | 10:57
73 տարեկանում մահացել է ԱՄՆ նախկին նախագահ Դոնալդ Թրամփի առաջին կինը և նրա երեք ավագ երեխաների մայրը՝ Իվանա Թրամփը։ Այս մասին հինգշաբթի օրը հայտարարել է ինքը՝ Դոնալդ Թրամփը, փոխանցում է VOA-ն։
«Ես շատ տխուր եմ տեղեկացնելու բոլոր նրանց, ովքեր սիրում էին նրան, իսկ այդպիսի մարդիկ շատ են, որ Իվանա Թրամփը մահացել է Նյու Յորքի իր տանը», – գրել է Թրամփը Truth Social սոցիալական հարթակում իր հրապարակման մեջ։
1949 թվականին կոմունիստական Չեխոսլովակիայում ծնված Իվանա Զելնիչկովան ամուսնացել է Դոնալդ Թրամփի հետ 1977 թվականին և բաժանվել նրանից 1992 թվականին։ Այս ամուսնությունից ծնվել են Թրամփի երեք ավագ երեխաները՝ Դոնալդ կրտսերը և Էրիկը, ինչպես նաև նրա ավագ դուստրը՝ Իվանկան։
Տաթև Ֆռանգյան
