07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Էրդողանն Իսրայելին մեղադրում է տարածաշրջանն ահաբեկելու մեջ
Քաղաքականություն
14.05.2018 | 15:39
Թուրքիայի նախագահ Ռեջեփ Թայիփ Էրղողանը հարցազրույց է տվել բրիտանական «BBC» լրատվամիջոցին, որի ընթացքում կոշտ հայտարարություններ է արել Իսրայելի հասցեին. փոխանցում է ermenihaber-ը:
«Իսրայելն արդեն 50 հրթիռ է արձակել Սիրիայի վրա, սա ի՞նչ բան է։ Դա համարյա պատերազմի հրարում է։ Դրանով Թել-Ավիվը ահաբեկում է տարածաշրջանը։ Դա նպաստելու է ահաբեկչության աճին։ Այդ հրթիռների արձակման նպատակը որն է՞ր, ի՞նչ էին դրանով ուզում արած լինել»,-ասել է Էրդողանը։
Նա նաև նշել է, որ դեռևս չկան հստակ տվյալներ, որոնք կապացուցեին, թե մայիսի 10-ին Սիրիայի տարածքից են հրթիռներ արձակվել դեպի Գոլանի բարձրունքներ, ինչպես դա պնդում է պաշտոնական Թել-Ավիվը։
Հիշեցնենք, որ մայիսի 10-ին Սիրիայի տարածքից հրթիռներ էին արձակվել Իսրայելի վրա, որին հաջորդել էր Իսրայելի զինուժի կողմից Սիրիայի իրանական ռազմաբազաների հրթիռակոծումը: Իսրայելն իր տարածքը հրթիռակոծելու մեջ մեղադրում է Իրանին։
