15.12.2024 | 17:40
Հրշեջները մարել են Արշակունյաց պողոտայի հյուրանոցներից մեկում բռնկված հրդեհը
Ռուսական բանակը կորցնում է թափը Դոնբասում․ բրիտանական հետախուզություն
Քաղաքականություն
14.07.2022 | 18:23
Մեծ Բրիտանիայի պաշտպանության նախարարությունը Ուկրաինայում տիրող իրավիճակի այսօրվա ամփոփագրում նշում է, որ ռուսական զորքերը Դոնբասում շարունակում են հրետանային հարվածներ հասցնել ռազմաճակատի երկայնքով, որին հաջորդում են որոշ շրջաններում փոքր ստորաբաժանումների հարձակումները, գրում է BBC-ի ռուսական ծառայությունը։
«Սակայն վերջին 72 ժամվա ընթացքում նրանք զգալի առաջընթաց չեն գրանցել և վտանգում են կորցնել Լիսիչանսկի գրավումից հետո ձեռք բերած թափը»,- ասվում է բրիտանական հետախուզության զեկույցում։
Նշվում է, որ ռուսական բանակի արագ վերականգնմանը խանգարում են հնացած տրանսպորտային միջոցները, խորհրդային ժամանակաշրջանի զենքն ու մարտավարությունը։
«Չնայած հուլիսի 13-ին ուկրաինական, ռուսական, թուրքական և ՄԱԿ-ի պատվիրակությունների միջև հացահատիկի արտահանման և գերիների փոխանակման վերջին հաջողված բանակցություններին՝ հակամարտության ավարտի շուրջ ավելի լայն բանակցությունների հեռանկարները մնում են թույլ»,-ասվում է Բրիտանիայի ՊՆ ամփոփագրում։
Էմմա Չոբանյան
