08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
«Ռոսնեֆտի» փոխնախագահը գրավոր ներողություն է խնդրել Նիկոլ Փաշինյանից՝ Հայաստանին ուղղված ոչ պատշաճ մեկնաբանության համար
Քաղաքականություն
14.05.2018 | 14:37
«Ռոսնեֆտ» նավթային ընկերության փոխնախագահ, լրագրող Միխայիլ Լեոնտևը գրավոր ներողություն է խնդրել Հայաստանի վարչապետ Նիկոլ Փաշինյանից երկրում տեղի ունեցած իրադարձությունների առնչությամբ. տեղեկացնում է life.ru-ն:
ՀՀ վարչապետի մամուլի ծառայությունը հաստատել է նամակի ստացման փաստը։ «Այո, ես գրավոր նամակ եմ հղել վարչապետ Նիկոլ Փաշինյանին՝ ներողություն խնդրելով իմ չափազանց զգացմունքային և ոչ պատշաճ մեկնաբանության համար՝ ընդունելով, որ քաղաքական հայացքների տարակարծությունը որևէ կերպ չի կարող արդարացնել արտահայտությունների մեջ իմ կտրուկ և կոպիտ լինելը»,- ասել է Լեոնտևը:
Նա նաև ընդգծել է, որ մեկնաբանության անհարկի զգացմունքայնությունը բխել է բացառապես Հայաստանի ճակատագրի վերաբերյալ նրա մտահոգություններից:Նա հավաստիացրել է, որ տարաբնույթ հաղորդումներում իր մեկնաբանությունները որևէ կերպ չեն առնչվում «Ռոսնեֆտ»-ի դիրքորոշման հետ և հույս է հայտնել, որ իր անշրջահայաց պահվածքը որևէ կերպ չի անդրադառնա «Ռոսնեֆտ»-ի և Հայաստանի միջև դրական համագործակցության վրա:
