29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Չգիտեմ` Փաշինյանը Մայր Աթոռի հետ քննարկե՞լ է Հիսուսի արձանի տեղադրման գաղափարը. Դումանյան․ ՏԵՍԱՆՅՈՒԹ
Մշակույթ
14.07.2022 | 13:11
«Որևիցե նախագիծ չի կարող հակասել գործող օրենսդրությանը»,- Կառավարության նիստից հետո լրագրողների հետ զրույցում այս մասին նշեց ԿԳՄՍ նախարար Վահրամ Դումայանը՝ անդրադառնալով Հատիս լեռան վրա Հիսուս Քրիստոսի արձանի տեղադրման շուրջ ծավալվող քննադատություններին:
Նշենք, որ ԳԱԱ երկրաբանության ինստիտուտն ահազանգել էր, որ Հատիս լեռան գագաթին հնագիտական հուշարձաններ կան, և այնտեղ շինաշխատանքները պետք է արգելվեն։
«Արձան չի կարող տեղադրվել, քանի դեռ չկա համապատասխան նախագիծ: Չեմ կարծում, թե հուշարձանի վրա արձան կառուցելու նախագիծ կլինի»,- նշեց Դումանյանը:
Ինչ վերաբերում է եկեղեցու դիրքորոշմանը, որն ավելի վաղ հայտարարել էր` արձանաշինությունը հարիր չէ Հայ առաքելական եկեղեցուն, և որ նման արձանը հակասում է Հայաստանյայց առաքելական սուրբ եկեղեցու ավանդույթին, Դումանյանը համեմատություն արեց՝ նշելով, որ ժամանակին, երբ Փարիզում Էյֆելյան աշտարակը պետք է կառուցվեր, մեծամասնությունը դեմ էր դրան։
Անդրադառնալով հարցին, թե արդյոք վարչապետ Նիկոլ Փաշինյանը Մայր Աթոռի հետ քննարկել է Հիսուսի արձանի տեղադրման գաղափարը, Դումանյանը նշեց, որ այդպիսի տեղեկատվության չի տիրապետում. «Մայր աթոռի և Կառավարության քննարկման մասին ես պնդում չեմ անում»:
Հիշեցնենք՝ ՀՀ վարչապետ Նիկոլ Փաշինյանը հուլիսի 7-ին Կառավարության նիստում հայտարարեց, որ դեմ չեն Հատիս լեռան վրա Հիսուս Քրիստոսի արձանը կանգնեցնելու նախաձեռնությանը:
Մանրամասները՝ տեսանյութում:
