Քաղաքականություն
14.07.2022 | 12:21
Շրի Լանկայի մայրաքաղաք Կոլոմբոյում ցուցարարների և ոստիկանների միջև բախումների հետևանքով 84 մարդ է տուժել, հայտնում է Daily Mirror թերթը։
Ըստ հրապարակման՝ Կոլոմբոյի հիվանդանոցներ տեղափոխվածներից 42-ը վիրավորվել է խորհրդարանի շենք ներխուժելու փորձի ժամանակ։ Մնացածները տուժել են վարչապետի գրասենյակի գրավման ընթացքում տեղի ունեցած բախումների ժամանակ։ Ըստ Adedarana լրատվական պորտալի՝ վիրավորներից 5-ը կանայք են։ Բացի այդ, վիրավորվել է մեկ զինվոր, երկու ոստիկան և երկու լրագրող։
Հիշեցնենք՝ զանգվածային բողոքի ակցիայի մասնակիցներն անցյալ շաբաթվա վերջում ներխուժեցին երկրի ղեկավարի նստավայր։ Նախագահ Գոտաբայ Ռաջապակսայ հայտարարեց, որ հրաժարական է տալիս և լքեց երկիրը։ Սա, սակայն, բողոքի նոր ալիք է առաջացրել, քանի որ, ի տարբերություն ընդդիմության սպասումների, Ռաջապակսան ժամանակավոր նախագահ նշանակեց վարչապետ Ռանիլ Վիկրեմեսինգեին, ինչը ցուցարարների համար անընդունելի է։
Տաթև Ֆռանգյան
