16.09.2026 | 14:31
ԵՀ նախագահը Կանադային առաջարկել է դառնալ միության առաջին «ասոցացված անդամը»
ԵՄ-ի նոր պատժամիջոցները ռուսական գազի նկատմամբ սահմանափակումներ չեն նախատեսում․ Չեխիայի վարչապետ
Քաղաքականություն
14.07.2022 | 15:44
Եվրամիությունը պատրաստում է Մոսկվայի դեմ պատժամիջոցների յոթերորդ փաթեթը, սակայն այն չի ներառի ռուսական գազի մատակարարման սահմանափակումներ, քանի որ ԵՄ անդամ շատ երկրներ չեն կարողանա արագ հարմարվել դրանց, ասել է Չեխիայի վարչապետ Պետր Ֆիալան Reuters-ին տված հարցազրույցում։
Նրա խոսքով՝ Մոսկվայի դեմ պատժամիջոցները, որոնք այժմ վերջնական տեսքի են բերվում ԵՄ գործադիր իշխանության կողմից, կներառեն ռուսական ոսկու ներկրման արգելք, Ռուսաստան արտահանումն արգելված երկակի նշանակության ապրանքների ցանկի ընդլայնում և ուղղված կլինեն ավելի շատ թվով ֆիզիկական անձանց դեմ։ Եվրահանձնաժողովը պետք է փաթեթը ներկայացնի առաջիկա օրերին, և անդամ երկրները կարող են այն հաստատել անմիջապես դրանից հետո, ասել է Ֆիալան:
«Միանշանակ խնդրահարույց է էներգետիկայի ընդգրկումը պատժամիջոցների փաթեթում, քանի որ պետք է հարգել այն կանոնը, որ պատժամիջոցները պետք է ավելի մեծ ազդեցություն ունենան Ռուսաստանի վրա, քան այն երկրների վրա, որոնք դրանք կիրառում են։ Մի շարք երկրներ կախված են ռուսական գազից»։
Հուլիսի 1-ից ԵՄ-ում նախագահող Չեխիան այդ երկրներից մեկն է․ ողջ ԵՄ-ն մինչ Ուկրաինայում պատերազմի սկսվելը գազի 40%-ը ստանում էր Ռուսաստանից։ Ֆիալան ասել է, որ չեխերն անում են ամեն ինչ, որպեսզի դադարեցնեն իրենց կախվածությունը ռուսական էներգակիրներից, բայց դա տեղի չի ունենա այս ձմռանը:
Տաթև Ֆռանգյան
