15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Հայտնի են դարձել ՌԴ-ի պահանջները ուկրաինական հացահատիկի խնդրի լուծման համար
Քաղաքականություն
13.07.2022 | 18:32
Հայտնի է դարձել, թե Ռուսաստանն ինչ պահանջներ է առաջ քաշում նավահանգիստներից ուկրաինական հացահատիկի դուրսբերման համար։ Մասնավորապես, դիվանագիտական աղբյուրը Ռիա Նովոստիին հայտնել է, որ ՌԴ-ի դեմ բանկային և ապահովագրական գործառնությունների պատժամիջոցները հաշվի են առնվում «հացահատիկի հարցի» լուծման վերաբերյալ համաձայնագրի քննարկման ժամանակ, և դրանք շրջանցել հնարավոր չէ։
«Ռուսական կողմից պահանջներ կան՝ վերացնելու Ռուսաստանից ապրանքների արտահանման խոչընդոտները։Այդ հարցը շրջանցել հնարավոր չէ։ Ռուսական կողմի համար կան խոչընդոտներ նավերի ապահովագրության, նյութատեխնիկական ապահովման, լոգիստիկայի ծառայությունների և բանկային գործառնությունների ոլորտում՝ կապված սահմանված պատժամիջոցների հետ։ Այդ պահերը հաշվի են առնվում, կարևոր է գալ համաձայնության, որը բոլոր կողմերի շահերը կապահովի»,-ասել է աղբյուրը։
Հիշեցնենք, որ այսօր Ստամբուլում անցկացվում է Թուրքիայի, ՌԴ-ի, Ուկրաինայի ու ՄԱԿ-ի պատվիրակությունների հանդիպումը՝ հացահատիկային հարցի քննարկման համար։ Հավելենք, որ Կիը Մոսկվային է մեղադրում ուկրաինական նավահանգիստներից հացահատիկի արտահանման խոչընդոտման, ինչպես նաև ուկրաինական հացահատիկը գողանալու ու անօրինական վաճառելու մեջ։
Էմմա Չոբանյան
