17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Twitter-ը դատի է տվել Մասկին՝ սոցիալական ցանցը գնելու գործարքից հրաժարվելու համար
Քաղաքականություն
13.07.2022 | 12:55
Twitter-ի ղեկավարությունը Tesla-ի ղեկավար Իլոն Մասկի դեմ դատական հայց է ներկայացրել՝ սոցցանցը գնելու գործարքն անավարտ թողնելու համար, գրում է Ինտերֆաքսը։
««Twitter»-ը հայց է ներկայացնում՝ կանխելու համար Մասկի լողմից հետագա խախտումները՝ ստիպելու, որպեսզի կատարի իր իրավական պարտավորությունները և ավարտին հասցնելու գործարքը, եթե բավարարվեն մի քանի պայմաններ», – ասվում է Դելավերի դատարան ներկայացված փաստաթղթում:
Հուլիսի 8-ին Մասկը Twitter-ին տեղեկացրել էր, որ հրաժարվում է գնման գործարքից՝ պատճառաբանելով պայմանագրի պայմանների խախտումները։ Մասկի ներկայացուցչի կողմից ընկերությանն ուղղված նամակում այս որոշումը բացատրվել է նրանով, որ սոցիալական ցանցը հրաժարվել է կամ չի կարողացել Մասկին տեղեկատվություն տրամադրել հարթակում կեղծ կամ սպամ հաշիվների քանակի մասին։Նույն օրը Twitter-ի ղեկավարությունը հայտարարել էր դատական հայց ներկայացնելու մտադրության մասին։
Twitter-ը դեռևս ապրիլի 25-ին էր ընդունել Մասկի 44 միլիարդ դոլարի գործարքի առաջարկը, սակայն մայիսի կեսերին գործարարն ասել էր, որ գործարքում այլևս տեղաշարժ չի լինի, քանի դեռ Twitter-ը չի պարզաբանել սոցիալական ցանցում կեղծ օգտահաշիվների հետ կապված իրավիճակը։ Արդեն հունիսին Մասկը սպառնացել էր խզել գործարքը այն պատճառով, որ ընկերությունը հրաժարվում է իրեն տրամադրել պահանջված տվյալները։
Տաթև Ֆռանգյան
