27.07.2026 | 23:18
Ոստիկանները ձերբակալել են ապօրինի զենք պահող տղամարդուն
ՄԱԿ-ի Անվտանգության խորհուրդը 6 ամսով երկարաձգել է Թուրքիայի տարածքով Սիրիա մարդասիրական օգնության մատակարարումը
Քաղաքականություն
12.07.2022 | 19:54
ՄԱԿ-ի Անվտանգության խորհուրդն ընդունել է Նորվեգիայի և Իռլանդիայի բանաձևը՝ վեց ամսով երկարաձգելու Թուրքիայի տարածքով դեպի Սիրիա մարդասիրական օգնության անդրսահմանային առաքման մեխանիզմը, այնուհետև այն կարող է երկարաձգվել ևս վեց ամսով, հայտնում է ՌԻԱ Նովոստիի թղթակիցը։
Բանաձևին կողմ է քվեարկել 12 երկիր, ԱՄՆ-ը, Մեծ Բրիտանիան և Ֆրանսիան ձեռնպահ են մնացել։
Թուրք-սիրիական սահմանի Բաբ ալ-Հավա սահմանային անցակետով Սիրիա մարդասիրական օգնության անդրսահմանային առաքման մեխանիզմի ժամկետը լրացել էր հուլիսի 10-ին։
Մինչ այդ ԱԽ-ն չի կարողացել համաձայնության գալ դրա երկարաձգման շուրջ տարաձայնությունների պատճառով։ Ռուսաստանը վետո է դրել արևմտյան երկրների բանաձևի նախագծի վրա, իսկ ռուսական բանաձևը չի հավաքել ընդունման համար անհրաժեշտ 9 ձայնը։
Մոսկվան հայտարարել է, որ թույլ չի տա իր բանաձևին հակասող նախագծի ընդունումը։ Արդյունքում երեքշաբթի օրն ընդունվեց բանաձև, որն, ըստ էության, կրկնում էր ռուսական նախագիծը։
Տաթև Ֆռանգյան
