09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Զելենսկին քննադատել է «Հյուսիսային հոսք» գազատարի հետ կապված Կանադայի որոշումը
Քաղաքականություն
12.07.2022 | 20:54
Ուկրաինայի նախագահ Վլադիմիր Զելենսկին դատապարտել է «Հյուսիսային հոսք 1» գազատարի տուրբինը Գերմանիային վերադարձնելու Կանադայի որոշումը՝ այն անվանելով «բացարձակապես անընդունելի», գրում է «Իզվեստիան»։
«Դա վերաբերում է ոչ թե պարզապես «Հյուսիսային հոսք» գազատարի ինչ-որ տուրբինի, որը Կանադան չպետք է, սակայն, այնուամենայնիվ, որոշել է փաստացի Ռուսաստանին փոխանցել, այլ վերաբերում է ընդհանուր կանոններին»,-ասել է Զելենսկին։
Նա նշել է, որ հակառուսական պատժամիջոցների հարցում նման բացառությունները կարող են վտանգավոր լինել «ոչ միայն Ուկրաինայի, այլև ժողովրդավարական աշխարհի բոլոր երկրների համար»։ Ուկրաինայի ԱԳՆ-ն Կիևում Կանադայի գործերի ժամանակավոր հավատարմատարին հրավիրել և հորդորել է վերանայել որոշումը։ Ուկրաինայի կարծիքով՝ այն խաթարում է Արևմուտքի միասնությունը հակառուսական պատժամիջոցների կիրառման հարցում։
Հավելենք, որ Եվրահանձնաժողովի ներկայացուցիչ Թիմ Մաքֆին էլ հայտարարել էր, որ Կանադայի կողմից «Հյուսիսային հոսք» գազատարի տուրբինի վերադարձը չի խախտում Մոսկվայի դեմ եվրոպական երկրների պատժամիջոցների քաղաքականությունը, քանի որ դրանք չեն տարածվում գազի տարանցման սարքավորումների վրա։
Էմմա Չոբանյան
