28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
Խորվաթիան միանում է եվրոգոտուն
Քաղաքականություն
12.07.2022 | 17:59
ԵՄ երկրների էկոնոմիկայի և ֆինանսների նախարարների խորհուրդը երեքշաբթի վերջնական որոշում է կայացրել 2023 թվականի հունվարի 1-ից Խորվաթիայի՝ եվրոգոտուն միանալու մասին։
«Այսօր խորհուրդն ընդունել է վերջին երեք ենթաօրենսդրական ակտերը, որոնք անհրաժեշտ են Խորվաթիային հաջորդ տարվա սկզբից եվրոգոտու անդամ դառնալու համար», – ասվում է ԵՄ-ի երեքշաբթի հրապարակված հռչակագրում, փոխանցում է Ինտերֆաքսը:
Խորվաթիայի ֆինանսների նախարար Զրավկո Մարիչը խորվաթական հեռուստառադիոընկերության եթերում օրն անվանել է «երկրի համար հոյակապ»։ Նրա խոսքով՝«Խորվաթիայի անդամակցությունը լավ լուր է ոչ միայն Խորվաթիայի, այլև ողջ եվրոգոտու համար»։
«Ցանկանում եմ շնորհավորել իմ գործընկեր Զդրավո Մարիչին և ողջ Խորվաթիային եվրոյի գոտուն միացած 20-րդ երկիրը դառնալու համար: Եվրոյի ընդունումը պատասխանատու քաղաքական որոշում է:Խորվաթիան հաջողությամբ իրականացրել է բոլոր անհրաժեշտ տնտեսական չափանիշները, և եվրոն այստեղ կսկսի շրջանառվել 2023 թվականի հունվարի 1-ից»,- իր հերթին ասել է ԵՄ-ում ներկայումս նախագահող Չեխիայի ֆինանսների նախարար Զբինեկ Ստանյուրան։
Տաթև Ֆռանգյան
