28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
Շվեդիայի խորհրդարանում առաջարկել են Ռուսաստանն «ահաբեկչական պետություն» ճանաչել
Քաղաքականություն
12.07.2022 | 18:57
Շվեդիայի խորհրդարանի պատգամավոր Մարկուս Վիհելը նամակ է հղել երկրի ԱԳ նախարար Անն Լինդին՝ Ռուսաստանը որպես ահաբեկչական պետություն ճանաչելու հարցով։ Այս մասին հայտնում է RT-ն։
Ավելի վաղ Լիտվայի խորհրդարանը Ռուսաստանի Դաշնությունը որակել էր որպես «ահաբեկչության հովանավոր», իսկ Ուկրաինայում գործողությունները գնահատել որպես «ուկրաինացի բնակչության ցեղասպանություն», ինչպես նաև կոչ էր արել համաշխարհային հանրությանը ստեղծել հատուկ քրեական դատարան, որը կգնահատի և կզբաղվի «ռուսական ագրեսիայով»։
«Ինչպե՞ս է նախարարը գնահատում ԱՄՆ-ի և Լիտվայի նախաձեռնությունները, կարո՞ղ ենք ակնկալել, որ նախարարը նմանատիպ գործընթացներ կձեռնարկի Շվեդիայում, ԵՄ-ում կամ որոշ միջազգային կառույցներում», – հարցադրում է արել պատգամավորը։
Հիշեցնենք, որ ավելի վաղ հաղորդվել էր, որ ԱՄՆ իշխանություններն ուսումնասիրում են ահաբեկչությունը հովանավորող պետությունների ցուցակում Ռուսաստանն ընդգրկելու հարցը։
Տաթև Ֆռանգյան
