05.06.2026 | 15:54
Ազովի ծովում ԱԹՍ-ների հարձակման հետևանքով 5 ադրբեջանցի նավաստիներ են զոհվել, ևս 3 վիրավոր կա. ՏԵՍԱՆՅՈՒԹ
Եվրամիությունը սառեցրել 13,8 միլիարդ եվրոյի չափով ռուսական ակտիվներ
Քաղաքականություն
12.07.2022 | 17:11
Ուկրաինայում ռազմական գործողությունների մեկնարկից ի վեր Եվրամիությունը սառեցրել է 13,8 միլիարդ եվրոյի չափով ռուսական ակտիվներ։ Այս մասին հայտարարել է արդարադատության հարցերով եվրահանձնակատար Դիդիե Ռեյնդերսը, փոխանցում է korrespondent-ը։
«Այս պահին մենք սառեցրել ենք օլիգարխներից և տարբեր կազմակերպություններից ստացված 13,8 միլիարդ եվրո․ սա բավականին մեծ գումար է»,- ասել է նա։ Գումարի մեծ մասը՝ ավելի քան 12 միլիարդ եվրոն շրջանառվել է անդամ հինգ երկրներում։ Ռեյնդերսը հույս է հայտնել, որ 27 անդամ ունեցող դաշինքի մյուս երկրները ևս կուժեղացնեն իրենց ջանքերն այդ ուղղությամբ:
Հիշեցնենք, Ուկրաինայի արդարադատության նախարարությունը մինչ այս հայտարարել էր, որ արևմտյան գործընկերների կողմից սառեցված ռուսական ակտիվների ծավալը կազմում է մոտ 350 միլիարդ դոլար։
Տաթև Ֆռանգյան
