28.07.2026 | 09:45
Վթարային ջրանջատում Լոռու մարզում
Ուկրաինան պատրաստվում է Խերսոնի շրջանում հակահարձակման
Քաղաքականություն
11.07.2022 | 16:59
Ուկրաինայի փոխվարչապետ Իրինա Վերեշչուկը կիրակի Ռուսաստանի կողմից գրավված Խերսոնի խաղաղ բնակիչներին կոչ է արել շտապ տարհանվել, քանի որ ուկրաինական զինված ուժերն այնտեղ հակահարձակում են նախապատրաստում, գրում է VOA-ն:
ՌԴ ռազմական գործողություններից մեկնարկից հետո առաջին շաբաթներին Ուկրաինան կորցրել է վերահսկողությունը Խերսոնի շրջանի մեծ մասի, այդ թվում՝ Խերսոն քաղաքի նկատմամբ։
«Պարզ է, որ այնտեղ կլինեն մարտեր, կլինեն հրետանային գնդակոծություններ, այդ պատճառով մենք կոչ ենք անում մարդկանց շտապ տարհանվել»,- ասել է Իրինա Վերեշչուկը։
Նա նշել է, որ չի կարող ստույգ տեղեկություն տալ, թե կոնկրետ երբ է սկսվելու հակահարձակումը՝ հավելելով. «Ես հաստատ գիտեմ, որ կանայք և երեխաները չպետք է այնտեղ լինեն, րանք չպետք է դառնան կենդանի վահան»:
Խերսոնի բնակչությունը մինչ պատերազմը կազմում էր մոտ 300․000 մարդ, սակայն այժմ հայտնի չէ, թե քանի բնակիչ է մնացել քաղաքում։
Տաթև Ֆռանգյան
