09.10.2026 | 21:27
ՀՀ-ն զգալի առաջընթաց է արձանագրել վիզաների ազատականացման ոլորտում․ ԵՄ գնահատման 2-րդ առաքելությունը ՀՀ-ում է
Եվրոպայում նվազել է գազի բորսայական գինը
Քաղաքականություն
11.07.2022 | 16:19
ICE Futures հարթակում գազի բորսայական գինը հուլիսի 11-ին սակարկությունների սկզբում կտրուկ նվազել է։ Այս մասին են վկայում բորսայի տվյալները, գրում է Korrespondent-ը։
Նիդեռլանդների TTF հաբում օգոստոսյան ֆյուչերսային պայմանագրի արժեքը նվազել է 12%-ով՝ հասնելով 154 եվրոյի՝ 1 ՄՎտ/ժ-ի դիմաց կամ 1639,5 դոլար՝ 1000 խորանարդ մետրի դիմաց՝ հաշվի առնելով ընթացիկ փոխարժեքը Forex շուկայում։
Եվրոպական գազն էժանանում է այն տեղեկությունների ֆոնին, որ գերմանական Siemens ընկերության գազային տուրբինը շուտով կվերադառնա Ռուսաստան, որն անհրաժեշտ է «Հյուսիսային հոսք» գազատարով գազ մղելու համար։ Սարքավորումը վերանորոգվել էր Կանադայի գործարանում, սակայն այն չէր կարողանում հետ վերադարձնել Ռուսաստանի դեմ պատժամիջոցների պատճառով։
Հիշեցնենք, որ «Հյուսիսային հոսք» գազատարով մատակարարումները դադարեցվել են տասն օրով՝ հուլիսի 11-ից հուլիսի 21-ը։ Գազատարի սպասարկման պրոֆիլակտիկ անջատումները կատարվում են տարին մեկ անգամ և ազդում գազի արտադրության և մատակարարման ողջ շղթայի վրա։
Հաղորդվել է նաև, որ Ուկրաինան հիասթափված է Կանադայի՝ Siemens Canada-ի կողմից վերանորոգված Nord Stream-1 տուրբինները վերադարձնելու որոշումից և խնդրում է կառավարությանը չեղարկել այն։
Տաթև Ֆռանգյան
