28.07.2026 | 10:49
ԶՈՒ-ում մեկնարկել են զինվորական երդման արարողությունները
Պորտուգալիայում անտառային հրդեհներ են մոլեգնում. ռեկորդային շոգ եղանակ է կանխատեսվում
Քաղաքականություն
11.07.2022 | 14:58
Պորտուգալիայում վերջին մի քանի օրվա ընթացքում խոշոր անտառային հրդեհների հետևանքով տուժել է առնվազն 29 մարդ։ Այս մասին հայտնում է Daily Mail-ը։
Վիրավորների թվում են 17 խաղաղ բնակիչներ և 12 հրշեջներ։ Ընդհանուր առմամբ, Պորտուգալիայում անտառային հրդեհների մարման գործում ներգրավված է ավելի քան 3000 հրշեջ և 60 միավոր հատուկ ինքնաթիռ։
Միաժամանակ, Պորտուգալիայում օդի ջերմաստիճանը մոտ ապագայում միայն կաճի։ Այս շաբաթ երկրում սպասվում է 43 աստիճան տաքություն։
Հարևան Իսպանիայում՝ հարավ-արևմուտքում բռնկված անտառային հրդեհի հետևանքով իշխանությունները որպես կանխարգելիչ միջոց տարհանել են 30 մարդու: Էլ Ռոնկիլո գյուղում բռնկված հրդեհը մարելու համար ուղարկվել է մոտ 115 հրշեջ՝ ուղղաթիռների ու ինքնաթիռների աջակցությամբ։
Տաթև Ֆռանգյան
