Հասարակություն
11.07.2022 | 13:18ՀՀ-ն ժողովրդագրական ճգնաժամի առջև է: «Անպտղության տարածվածությունը Հայաստանի Հանրապետության բնակչության շրջանում» թեմայով մամուլի ասուլիսի ժամանակ այս մասին հայտարարեց ՄԱԿ-ի Բնակչության հիմնադրամի հայաստանյան գրասենյակի «Բնակչություն եւ զարգացում» ծրագրի համակարգող Աննա Հովհաննիսյանը:
Նրա խոսքով՝ ողջունելի է այն, որ ժողովրդագրական խնդիրը ՀՀ Կառավարության օրակարգում շատ կարևոր տեղ ունի: «Մեր համատեղ ջանքերով և համատեղ աշխատանքի արդյունքում մի շարք ծրագրեր են իրականացվել, որոնք ուղղված են ՀՀ-ում ծելիության բարձրացմանը»,- նշեց Հովհաննիսյանը:
Նա նաև հավելեց, որ աշխարհի շատ երկրների կառավարություններ բազում քայլեր են իրականացրել ծնելիության ցուցանիշի բարձրացման նպատակով՝ ֆինանսական աջակցություն ցուցաբերելով, սակայն հաջողության չեն հասել, որովհետև միայն ֆինանսական աջակցությունը բավարար չէ:
«Միևնույն ժամանակ ուշադրության առանցքում պահելով ժողովրդագրական հարցերը և գիտակցելով, որ այսօր ՀՀ-ն կանգնած է ժողովրդագրական ճգնաժամի առջև, ծնելիությանը խթանող նախագծերն օրհասական են և անհրաժեշտ»:
Նշենք, որ «Հասարակական հետազոտությունների առաջատար խումբ» հասարակական կազմակերպությունը, ՄԱԿ-ի Բնակչության հիմնադրամի աջակցությամբ 2020-21 թթ.-ին իրականացրել է «Անպտղության տարածվածությունը ՀՀ բնակչության շրջանում» հետազոտություն, որի համաձայն՝ Հայաստանում անպտղության ցուցանիշը 16,8% է։ ԱՀԿ չափանիշներով սա բավականին մտահոգիչ ցուցանիշ է:
Մանրամասները՝ տեսանյութում։
