22.04.2026 | 14:20
Ալիևը հայտարարել է, որ Ադրբեջանի և Հայաստանի միջև արդեն իսկ խաղաղություն է հաստատվել
Չինաստանի Ուհան քաղաքում խոլերայի դեպք է հաստատվել
Քաղաքականություն
11.07.2022 | 12:53
Չինաստանի Ուհան համալսարանական քաղաքի մասնագետները խոլերայով վարակի դեպք են հաստատել։ Այս մասին ասվում է Վուչանգ շրջանի առողջապահական վարչության տարածած հայտարարության մեջ, գրում է ՆՏՎ-ն։
Նշվում է, որ հուլիսի 9-ին քաղաքի նշված տարածքում Հիվանդությունների վերահսկման և կանխարգելման կենտրոնը հիվանդանոցից հաղորդում է ստացել Ուհանի համալսարանից մի հիվանդի մասին, ում մոտ դրսևորվել են այնպիսի ախտանշաններ, ինչպիսիք են փսխումը, փորլուծությունը և ջերմությունը։ Կատարված շճաբանական թեստը դրական է եղել խոլերայի համար։ Դրանից հետո նմուշներն ուղարկվել են շրջանային, քաղաքային և նահանգային կենտրոններ՝ հիվանդությունների վերահսկման և կանխարգելման նպատակով։ Այս բաժանմունքների մասնագետները հաստատել են ախտորոշումը։
Հուլիսի 11-ի դրությամբ՝ հիվանդի մոտ հիվանդության ախտանշաններն անհետացել են ցուցաբերված բժշկական օգնության շնորհիվ։
Շրջանի առողջապահական մարմնի հայտարարության մեջ նաև ասվում է, որ թեստավորում է կազմակերպվել բոլորի համար, ովքեր կարող էին վարակվել համալսարանում: Նոր դեպքեր չեն հայտնաբերվել։
Տաթև Ֆռանգյան
