25.03.2026 | 13:13
Իրանը հայտնել է Բուշերի ատոմակայանին նոր հարվածի մասին
Ռուս զինվորականները մարտերից հետո չեն հասցնում վերականգնվել․ Բրիտանիայի ռազմական հետախուզություն
Քաղաքականություն
11.07.2022 | 14:38
Մեծ Բրիտանիայի Պաշտպանության նախարարությունն Ուկրաինայում պատերազմական գործողությունների վերաբերյալ ամենաօրյա հետախուզական տվյալներն է ներկայացրել, գրում է BBC-ի ռուսական ծառայությունը։
Նշվում է, որ հունիսի 10-ին ռուսական զորքերը Դոնբասի ճակատի հյուսիսային հատվածում շարունակել են հրետակոծությունները, սակայն, «հավանաբար, առանց որևէ խոշոր տարածքային առաջխաղացման»: Ուկրաինական բանակը շարունակել է ճնշում գործադրել Խերսոնի շրջանի հյուսիսում ռուսական պաշտպանական գծի որոշ նեղ հատվածների վրա, սակայն նույնպես մեծ առաջընթաց չի գրանցել։
«Բրիտանական ռազմական հետախուզության վերլուծաբաններն ուշադրություն են դարձրել տեսանյութին, որը հունիսի 28-ին համացանցում տեղադրել է «Люди Байкала»հրատարակությունը։ Դրանում 36-րդ համաբանակային ստորաբաժանման զինծառայողների կանայք պահանջում են իրենց ամուսիններին տուն վերադարձնել։ Մի կին ասում է, որ 5-րդ առանձին տանկային բրիգադի զինծառայողները «բարոյապես և ֆիզիկապես հյուծված են» և մարտական գոտին չեն լքել փետրվարի 24-ից։ Ինտենսիվ ռազմական գործողություններից հանգստանալու «պլանավորված ընդմիջումների բացակայությունը», մեծ հավանականությամբ, ամենադժվարներից է գործողության մեջ ներգրավված զորքերի բազմաթիվ կադրային խնդիրներից, և Ռուսաստանի ՊՆ-ն չի կարողանում լուծել այդ խնդիրը»,- ասվում է բրիտանական ռազմական հետախուզության ամփոփագրում։
Էմմա Չոբանյան
