15.12.2025 | 22:00
Գարեգին Բ-ի՝ գործակալ լինելու մասին պնդման հետքերով. ինչ է ասում դատախազությունը. ՏԵՍԱՆՅՈՒԹ
Լիզ Թրասը հավակնում է Մեծ Բրիտանիայի վարչապետի պաշտոնին
Քաղաքականություն
11.07.2022 | 12:23
Մեծ Բրիտանիայի արտաքին գործերի նախարար Լիզ Թրասը որոշել է առաջադրվել Պահպանողական կուսակցության ղեկավարի և Մեծ Բրիտանիայի վարչապետի պաշտոնում, հայտնում է Sky news-ը։ Նա հայտարարել է, որ իր թեկնածությունն է առաջադրում կուսակցությունը ղեկավարելու համար՝ դառնալով այդ պաշտոնի արդեն 10-րդ հավակնորդը։
«Ես առաջադրվելու եմ որպես պահպանողական և կառավարելու եմ որպես պահպանողական: Ես առաջադրվում եմ, քանի որ կարող եմ առաջնորդել մարդկանց, պահել խոստումներս և ամուր որոշումներ կայացնել», – գրել է նա The Telegraph-ի սյունակում:
Քաղաքական գործիչը խոստացել է իր վարչապետության առաջին իսկ օրվանից սկսել հարկերի կրճատումը երկրում։ Նա, մասնավորապես, նշել է, որ մտադիր է նվազեցնել կորպորատիվ հարկերը, ինչպես նաև չեղարկել ազգային ապահովագրական համակարգին վճարումների ավելացումը։
Հայտնի է, որ 46-ամյա Թրասը համարվում է Բորիս Ջոնսոնի պոտենցիալ իրավահաջորդը և, ըստ հարցումների, ճանաչված է Պահպանողական կուսակցության անդամների շրջանում: Թրասը պատգամավոր դարձավ 2010 թվականին, որից հետո սկսվեց նրա կարիերայի առաջընթացը։
Տաթև Ֆռանգյան
