13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Հայաստանի և Ադրբեջանի հարաբերությունների կարգավորումը հնարավոր է․ Բաքվում Ֆրանսիայի դեսպան
Քաղաքականություն
08.07.2022 | 19:46
Ադրբեջանում Ֆրանսիայի դեսպան Զաքարի Գրոսը հոդված է հրապարակել՝ նվիրված Փարիզի և Բաքվի միջև դիվանագիատական հարաբերությունների հաստատման 30-ամյակին, գրում են ադրբեջանական լրատվամիջոցները։
Հոդվածում դեսպանն անդրադարձել է նաև Ադրբեջանի և Հայաստանի հարաբերություններին։
Նա հիշեցրել է, որ Ստրասբուրգում հանդիպումներ են կազմակերպվել ադրբեջանցի և հայ երիտասարդների միջև։ Դիվանագետի խոսքով՝ մեծ իրադարձությունը, որն արդեն սկսվել է, Հարավային Կովկասում խաղաղության հաստատումն է։
«Սա Ադրբեջանի և Հայաստանի կողմից սկսված բանակցությունների պատմությունն է։ Հայաստանի հետ հարաբերությունների կարգավորումը հնարավոր է։ Սա օգուտ կբերի տարածաշրջանի բոլոր երկրներին և կդառնա տնտեսական զարգացման և սոցիալական դինամիկայի աղբյուր։ Եվրամիությունը մտադիր է աջակցել և ուղեկցել այս գործընթացը՝ կնքելով համաձայնագիր Եվրամիության և Ադրբեջանի միջև, ինչը, մասնավորապես, թույլ կտա նոր համագործակցություն հաստատել բազմաթիվ ոլորտներում»,- գրել է Ֆրանսիայի դեսպանը։
Էմմա Չոբանյան
