01.05.2026 | 17:42
«Ֆորա» բանկի մասին ձայնագրության Նարեկը Դո՞ւք եք. Նարեկ Կարապետյանը խուսափեց պատասխանից․ ՏԵՍԱՆՅՈՒԹ
Թուրքիան բանակցում է Մալայզիայի հետ` անօդաչու թռչող սարքեր վաճառելու համար․ Bloomberg
Քաղաքականություն
08.07.2022 | 21:17
Թուրքիան Մալայզիայի հետ բանակցություններ է վարում՝ անօդաչու թռչող վաճառելու համար, հայտնում է Bloomberg գործակալությունը, որին վկայակոչում է Ahval-ը։
Լրատվամիջոցը, վկայակոչելով պաշտպանական արդյունաբերության ոլորտի իր աղբյուրներին, նշում է, որ Թուրքիայի կառավարությունը ցանկանում է ամենաքիչը երեք տեղական արտադրության Anka անօդաչու վաճառել։
Anka-S-ը, որն արտադրվում է պետական թուրքական օդատիեզերական արդյունաբերական ընկերության (TUSAŞ) կողմից, գործարկվել է 2018 թվականին՝ արդյունավետություն ցուցադրելով Իրաքում, Սիրիայում և Լիբիայում մարտերում:
Ի դեպ, Էրդողանը և Մալայզիայի վարչապետ Իսմայիլ Սաբրի Յակոբը հինգշաբթի Թուրքիայի մայրաքաղաք Անկարայում կայացած հանդիպման ժամանակ պայմանավորվել են ընդլայնել երկկողմ հարաբերությունները տարբեր ոլորտներում, ներառյալ՝ պաշտպանական արդյունաբերության։
Այցի ընթացքում TUSAŞ-ը և Մալայզիայի պետական պաշտպանական արդյունաբերության մարմինը նաև երկու հուշագիր են ստորագրել։ Թուրքիայի ռազմամթերք արտադրող պետական Mechanical and Chemical Industry Corporation-ն առանձին համագործակցության համաձայնագիր է ստորագրել Malaysian MA Analytics ընկերության հետ։
Էմմա Չոբանյան
