14.01.2025 | 16:50
Կատարը հայտնել է Իսրայելի և ՀԱՄԱՍ-ի միջև բանակցությունների վերջնական փուլի մասին․ համաձայնագիրը կարող է այսօր ստորագրվել
ՖԻՖԱ-ի և ՈՒԵՖԱ-ի նախկին ղեկավարներ Զեպ Բլատերը և Միշել Պլատինին անմեղ են ճանաչվել կոռուպցիայի մեղադրանքով
Քաղաքականություն
08.07.2022 | 17:29
Շվեյցարացի դատավորներն ուրբաթ ՖԻՖԱ-ի նախկին նախագահ Զեպ Բլատերին և ֆրանսիական ֆուտբոլի լեգենդ Միշել Պլատինիին անմեղ են ճանաչել կոռուպցիայի մեղադրանքով, գրում է DW-ն:
«Իմ պայքարը պայքար է անարդարության դեմ: Ես հաղթեցի առաջին խաղում»,- ասել է Պլատինին արդարացման դատավճռի վերաբերյալ:
Դատախազներն արդարացրել են Բլատերին՝ 2011 թվականին Ֆրանսիայի ազգային հավաքականի նախկին ավագ և մենեջեր Պլատինիին ՖԻՖԱ-ի միջոցներից 2 միլիոն շվեյցարական ֆրանկ (2,06 միլիոն դոլար) ապօրինաբար փոխանցելու մեղադրանքով: Բլատերը ղեկավարել է ֆուտբոլի համաշխարհային կառավարող մարմինը 17 տարի: ՈւԵՖԱ-ի նախկին նախագահ Պլատինին հույս ուներ նրան փոխարինել։
Մեղադրող կողմը երկուսի համար էլ 1 տարի 8 ամիս ժամկետով պայմանական պատիժ էր պահանջում: Պլատինին նաև կտուգանվեր վճարման համար՝ գումարած հարկերը:
«Ուզում եմ կիսել իմ ուրախությունն իմ բոլոր սիրելիների հետ, որ վերջապես արդարադատությունը հաստատվեց 7 տարվա ստից և մանիպուլյացիաներից հետո»,- ավելացրել է Պլատինին, որը 2015 թվականին Բլատերի հետ միասին 8 տարով զրկվել էր ֆուտբոլից։
Հունիսի 8-ից 22-ը տևած դատավարության ընթացքում երկու նախկին ֆուտբոլային ղեկավարները պնդել են, որ որևէ սխալ արարք չեն կատարել:
Վճարման մասին տեղեկություններն ի հայտ եկան այն բանից հետո, երբ ԱՄՆ Արդարադատության նախարարությունը 2015 թվականին ՖԻՖԱ-ում կաշառակերության, խարդախության և փողերի լվացման հետաքննություն սկսեց: Շվեյցարիայի դատախազներն այնուհետև առանձին գործ հարուցեցին, որը հանգեցրեց հետաքննության։
Պլանտինին աշխատել է որպես տեխնիկական խորհրդատու՝ տարեկան 300,000 շվեյցարական ֆրանկ (306,742 դոլար) աշխատավարձով 1998-ից 2002 թվականներին: Բլատերը դատարանին հայտնել է, որ ՖԻՖԱ-ն այն ժամանակ ամենաշատն այդքան գումար կարող էր վճարել ֆինանսական դժվարությունների պատճառով: Պլատինիի աշխատավարձի մնացած մասը պետք է վճարվեր ավելի ուշ։
Դատարանը պնդել է, որ Պլատինին «2011 թվականին ՖԻՖԱ-ին է ներկայացրել ենթադրաբար մտացածին հաշիվ-ապրանքագիր 1998-2002 թվականներին ՖԻՖԱ-ի խորհրդականի իր գործունեության համար (ենթադրյալ) պարտքի համար»:
Բլատերը պնդում էր, որ 2,06 միլիոն դոլար վճարումը «ջենթլմենական համաձայնություն» էր զույգի միջև մատուցված ծառայությունների համար:
Տաթև Ֆռանգյան
