19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Սինձո Աբեի կյանքը փրկելու համար արյան փոխներարկում են անում
Քաղաքականություն
08.07.2022 | 12:27
Ճապոնիայի նախկին վարչապետ Սինձո Աբեի կրտսեր եղբայր Նոբուո Կիշին, որը զբաղեցնում է Ճապոնիայի պաշտպանության նախարարի պաշտոնը, լրագրողներին ասել է, որ բժիշկներն ամեն ինչ անում են նրա կյանքը փրկելու համար, գրում է ՌԻԱ Նովոստին։
«Ես աղոթում եմ նրա շուտափույթ ապաքինման համար, ներկայումս Նառայի հիվանդանոցում հնարավոր ամեն ինչ արվում է նրա կյանքը փրկելու համար, այդ թվում՝ արյան փոխներարկում»,- ասել է նա։ Միաժամանակ, նա հրաժարվել է մեկնաբանել ԶԼՄ-ների այն տեղեկությունները, թե Աբեի վրա հարձակում իրականացնելու մեջ կասկածվողը ծովային ինքնապաշտպանության ուժերի նախկին զինծառայող է։
Հիշեցնենք, որ Աբեն հարձակման է ենթարկվել տեղական ժամանակով ժամը 11.30-ի սահմաններում Ճապոնիայի Նարա քաղաքում ելույթի ժամանակ։ Ինչպես հայտնում են ճապոնական լրատվամիջոցները՝ վկայակոչելով իրավապահ մարմիններին և իշխող Լիբերալ-դեմոկրատական կուսակցության աղբյուրները, Աբեի վրա թիկունքից երկու կրակոց է արձակվել։ Ճապոնական լրատվամիջոցների տեղեկություններով՝ հարձակվողը կրակել է մոտ 10 մետր հեռավորությունից։
Տաթև Ֆռանգյան
